Azərbaycanın cüdo üzrə gənclərdən ibarət yığma komandası dünən Ermənistanın paytaxtı Yerevanda gedib. Yığma komandamız sentyabrın 11-dən 13-dək Yerevanda keçiriləcək Avropa birinciliyində iştirak edəcək. Gənclər və İdman Nazirliyindən Modern.az-a bildirilib ki, sentyabrın 11-də İlqar Müşkiyev (55 kq), Rasim Əsədullayev (60 kq) və Fəğan Eminoğlu (66 kq) mükafatlar uğrunda mübarizə aparmağa başlayacaqlar. Ertəsi gün Ramin Qurbanov, yarışların son günü isə Elmar Qasımov öz qüvvəsini sınayacaq.
