12 Aprel 2018, 11:17 | Ana Səhifə - Yazılar - “ADA” Universitetindən fədakarlıq nümunəsi
“ADA” Universitetindən fədakarlıq nümunəsi

Vüqar Tofiqli

Bu günlərdə uzun illərdən bəri tanıdığım Şəfəq Akif qızından “ADA” Universitetində  keçiriləcək bir tədbirə dəvət aldım. Mövzunu soruşdum. Qısa şəkildə “Raquf Orucova həsr edilən bir tədbirdir. Sənin üçün də maraqlı olar” dedi. Həmişə olduğu kimi, vaxtından əvvəl tədbirə qatılmaq üçün universitetə gəldim. Tanıdığım xeyli insanla görüşdüm. Mənim üçün bəlli oldu ki, “ADA” Universitetinin Tələbə Şurası və “Aprel şəhidləri 2016: şəhid ailələrinə dəstək” İctimai Birliyi Aprel qəhrəmanı Raquf Orucova həsr olunmuş  anım mərasimi təşkil edib. Belə mötəbər tədbirlə bağlı yaddaşımda dərin iz buraxan bəzi məqamları diqqətə çatdırmaq istərdim.

                                                                           ***

Polkovnik-leytenant Raquf Orucov - bu ad Aprel döyüşlərindən də əvvəl hər birimizə bu  və ya digər formada tanış idi. Şəxsən görüşməsəm də, hərbçi haqqında müəyyən bilgilərim var idi. Cəsur komandirin fədakarlığı, Vətəninə və dövlətinə sədaqətlə xidmət etməsi barədə  çoxlu rəvayətlər yaranmışdı. Bəlli olan odur ki, Raquf Orucov əsl azərbaycanlı idi. Damarlarında türk qanı axırdı. Ağdamın ən ucqar dağətəyi  kəndində dünyaya gəlmişdi. Tərcümeyi-halında Cinli kəndi yazılsa da, əslində kəndin adı Sofuludur. Bu da qədim “Sofulu” türk tayfasının adı ilə bağlı idi. Ötən əsrin əvvələrinə kimi Quzanlı qəsəbəsinin Xaçın çaya yaxın ərazisində Əjdaha təpəsi deyilən ərazidə yüz evdən ibarət Sofulu kəndinin olduğu deyilirdi. İnqilabdan əvvəl Yevlax və Ağdaşdan Şuşaya gedən şosse yol məhz bu kənddən keçib və bu burada yol evi də olub. Bu arada qeyd edim ki,  eyniadlı kənd Ağdamla yanaşı, Cəbrayılda və Qazax rayonunda var.

Mətləbə qayıdaq.

Beləliklə, Raquf Orucov tanınmış türk tayfasının nümayəndəsi idi. Ermənistan Silahlı Qüvvələrinin işğalı nəticəsində anası düşmən gülləsinə tüş gəlmiş, ailəsi məcbur köçkün kimi iki dəfə yaşayış yerini dəyişmək məcburiyyətində qalmışdı. Gənclik illərində yaşı icazə verməsə də, özünümüdafiə dəstələrinə qoşulmuşdu. Artıq öz həyatını necə quracağını və düşməndən ana vətəninə qarşı edilən ədalətsizliyə qarşı necə mübarizə aparıcağına qərar vermişdi.

Nəticədə ali hərbi təhsil almış və öz istəyi ilə  cəbhə bölgəsində  gedən döyüşlərdə yaxından iştirak etmiş və elə xidmətinin ilk illərində göstərdiyi şücaətə görə Ulu Öndərin imzasıyla medalla təltif edilmişdi.

***

Tədbirdə qəhrəmanın oğlu, bu gün  “ADA” Universitetində beynəlxalq münasibətlər ixtisası üzrə təhsil alan Aqşin Orucovun çıxışı hələ uzun illər yaddaşımdan silinməyəcək: ürəkli, məzmunlu və kövrək notlarla dolu bir çıxış. Aqşin ADA-da təhsili məhz atasının tövsiyəsi ilə seçdiyini də diqqətə çatdırdı. Onun bu çıxışını və Universitetin rektoru Hafiz Paşayev adından çiçəkləri qəbul edən şəhid polkovnik-leytenantın xanımı, iki övlad böyüdən Sevinc xanımın  ayaq üstə alqışlanması isə sözlə ifadə etmək mümkün deyil.

Bu arada tədbir iştirakçısı, peşəkar jurnalist  Elşad Eyvazlının dərhal Aqşinə yaxınlaşaraq  təşəkkür etməsi  və  çıxışın mətnini eksklüziv olaraq Modern.az saytına verməsi üçün əldə etməsi  diqqətimdən yayınmadı. Kənardan görünən o idi ki, əlyazma  bir nəfəsə yazılmşdı.

***

Tədbirdə “ADA” Universitetinin aparat rəhbəri Şəfəq xanım ali təhsil ocağının Vətən uğrunda şəhid olan ailələrə göstərdiyi qayğı və həyata keçirdiyi layihələrdən danışdı. Universitetin bütün istiqamətlərdə olduğu kimi fədakarlıq nümunəsinin  gənc nəslin nümayəndələri arasında təbliğinə də geniş yer verməsi diqqətəlayiqdir.

Şəhidlərin ruhu Azərbaycan dövlət himninin sədaları ilə anıldı. Söz Milli Məclisin üzvü Qənirə Paşayevaya  verildi. Bu məqamda əlavə edim ki, sıx-sıx olmasa da, tədbirlərdə xanım millət vəkili ilə hərdən görüşürük. Hətta  müəllifi olduğum “XX yüzilin Ağdamı” kitabının təqdimatında qatılmaqla alovlu çıxış da etmişdi. Ağdam Çörək Muzeyinin bərpasıyla  bağlı isə təklifimizi dəstəkləmişdi.

Qənirə xanım çıxışına gənclərə tövsiyəsi ilə başladı: “Bizim  himnimiz yüz minlərlə insanın qanı bahasına yoğrulub. Odur ki onu hər zaman ürəkdən oxumalıyıq. Bunu unutmamanız lazımdır!”.

Komandir Raquf Orucovu yaxından tanıdığını deyən millət vəkili onun haqqında geniş çıxış etdi, şücayətindən danışdı və gəncləri polkovnik-leytenant kimi qəhrəmanlardan örnək götürməyə çağırdı.

“Torpaq uğrunda ölən varsa, Vətəndir” kəlamını xatırladan Q.Paşayeva Aprel döyüşlərinin əhəmiyyətindən, igidlərimizin qanı bahasına azad edilən Vətən torpaqlarının müqəddəsliyindən danışmağı da unutmadı. Sonda "ADA" Universitetinə qəhrəman şəhidlərimizlə bağlı keçirdikləri tədbirlər üçün təşəkkürünü bildirdi.

***

Düşünürəm ki, tələbələr üçün bu tədbirin böyük əhəmiyyəti oldu. İstər qəhrəmanın elə “ADA”da təhsil alan oğlunun çıxışı, istər Universitet tərəfindən nümayiş etdirilən video roliklərdəki süjet xətti onlara təsir etmişdi. Hətta Şəfəq xanımın bir ara çıxışı zamanı qəhərdən özünü zorla saxlaması onların gözlərindən yayınmadı. Hiss edirdin ki, sanki döyüş bölgəsindədirlər və komandirin əmrini gözləyirlər.

Belə tədbirlər nə qədər çox keçirilsə, Şəfəq Akifqızı çıxşında söylədiyi kimi, təqvimlə anılması deyil hər zaman təkrarlansa, gənclərimiz Azərbaycanın qəhrəman oğul və qızlarının peşəkarlığı və fədakarlığının müstəqil dövlətimizin mayası olduğunu yaddaşlarında həmişəlik həkk edərlər.

İstər Raquf Orucovu, istərsə də digər qəhrəmanları yetişdirən Azərbaycan torpağıdır. Və bir gün bu torpağın üstündə inamla addımlayan Azərbaycan gənci Ali Baş Komandan İlham Əliyevin əmriylə öz torpağına sahib çıxacaqdır. O şərəfli gün uzaqda deyil !!!

 

MÜƏLLİFİN DİGƏR YAZILARI
Ərzaq mağazasında yararsız məhsullar aşkarlandı 25 Yanvar 2021, 18:05 250 qırqovul vəhşi təbiətə buraxıldı 25 Yanvar 2021, 17:58 Baş Prokurorluq gəmiyə edilən hücumla bağlı məlumat yaydı 25 Yanvar 2021, 17:52 Ombudsmanın nümayəndəsi həbsdəki jurnalistlə görüşdü 25 Yanvar 2021, 17:46 İstanbulda İNSİDENT: 3 Rusiya vətəndaşı bıçaqlandı 25 Yanvar 2021, 17:40 Qafqazda yeni nizamın arxitektoru: Azərbaycan - TƏHLİL 25 Yanvar 2021, 17:35 Putin Davos forumunda bu tarixdə çıxış edəcək – AÇIQLAMA 25 Yanvar 2021, 17:29 MEDIA silsilə təbirlərə başladı - Hikmət Hacıyev ustad dərsi verdi 25 Yanvar 2021, 17:23 Milli Qəhrəmanın qızı Milli Məclisə gəldi 25 Yanvar 2021, 17:17 Ceyhun Bayramov - Cavad Zərif görüşünün təfərrüatları AÇIQLANDI 25 Yanvar 2021, 17:11 “Azərişıq” və “Azəriqaz” arasında memorandum imzalandı 25 Yanvar 2021, 17:05 Füzulinin Kürdlər kəndi - VİDEO 25 Yanvar 2021, 17:00 Gənc ailələrin sosial vəziyyəti müzakirə olunacaq 25 Yanvar 2021, 16:54 Co Baydenin Administrasiyası Azərbaycanda hansı partiyanı tanıyır... 25 Yanvar 2021, 16:48 Bayraq sancarkən şəhid olan bölük komandiri - FOTOLAR 25 Yanvar 2021, 16:43 ABŞ səfiri Rusiya Xarici İşlər Nazirliyinə çağırıldı 25 Yanvar 2021, 16:38 Bu səfər o qədər də Zərif deyil... - ŞƏRH 25 Yanvar 2021, 16:32 Şəhid ailələri və qazilər 5 ilə mənzillə təmin olunacaqlar - RƏSMİ 25 Yanvar 2021, 16:29 “Böyük İyirmilik” sammiti Azərbaycana  yeni investisiya imkanları yaradacaq 25 Yanvar 2021, 16:23 Fərman İsmayılovun cənazəsi Bakıya göndərilir - FOTO 25 Yanvar 2021, 16:17 Nazirlikdən qar uçqunu ilə bağlı əhaliyə müraciət - VİDEO 25 Yanvar 2021, 16:11 Putinə gizli sarayı ilə bağlı sual verildi: “Mənə məxsus deyil” 25 Yanvar 2021, 16:05 Rəsmi Bakı rusiyalı deputatın adını “qara siyahı”ya saldı 25 Yanvar 2021, 16:04 AŞPA erməni deputatların diversant-terrorçularla bağlı təklifini rədd etdi 25 Yanvar 2021, 15:58 İranın nüvə proqramı təhlükədirmi?.. - TƏHLİL 25 Yanvar 2021, 15:52 Mehriban Əliyeva yenidən Gimnastika Federasiyasının prezidenti seçildi 25 Yanvar 2021, 15:47 30 prokurorluq işçisi CƏZALANDIRILIB 25 Yanvar 2021, 15:42 Lavrovla Zərif Qarabağı müzakirə edəcək 25 Yanvar 2021, 15:36 Türkiyədə 80 yaşdan yuxarı şəxslərin vaksinasiyasına başlanıldı 25 Yanvar 2021, 15:30 AŞPA-ya yeni prezident seçildi 25 Yanvar 2021, 15:25 SOCAR-ın maliyyə işlərini nəzarətdə saxlamağa ehtiyac var - Deputat 25 Yanvar 2021, 15:21 Öldürülən dənizçinin cənazəsi tezliklə Azərbaycana göndəriləcək - Çavuşoğlu 25 Yanvar 2021, 15:16 Baş Prokurorluq xaricdə gizlənmiş 30 nəfərin ekstradisiyasına nail olub 25 Yanvar 2021, 15:11 Naftalanda COVID-19-a qarşı vaksinasiyaya başlanılıb - FOTO 25 Yanvar 2021, 15:06 Masallının baş həkimi belə həbs edilib - VİDEO 25 Yanvar 2021, 15:01