19 mart 2019, 22:36 | Ana Səhifə - Yazılar - Bayramlaşma...
Bayramlaşma...

Məhsəti Şərif

Novruz bayramını çox sevirəm, çünki baharı sevirəm. Yaşıllığı, rəngli dünyanı... Bahar gələndə sanki hər kəs gülür. Çiçəklər həm ağacda, həm insanların üzündə açır. Bütün sosial qayğılara, fərqli problemlərə baxmayaraq, hamı axşam süfrə başına toplaşır. Novruz həm də  barış və hüzurdu. Azərbaycana əslində mənəvi olaraq çox da uzaq olmayan bir ölkədəyəm. Amma təəssüf ki, burda Novruz terrorun qurbanı olub. PKK insanların Novruz şənliklərinə qan qatandan sonra Türkiyədə bu mərasimlər demək olar ki, qeyd edilmir. Evlərdə isə bayram ruhu heç yoxdu. 7 ildi bu ölkədə yaşayıram və istəsəm də, o ruhu burdakı evimə gətirə bilmədim. Mənim üçün Novruz hər halda 16 yaşımda bitib. İndi deyırsiniz ki, 7 ildi Türkiyədəsən, niyə 16 yaşında. O zaman mən Novruzun terrora qurban getmiş başqa bir ölkədəki əhvalatına keçid edim.

Biz Ağdamdaydıq. Uşaqdıq və o zaman Novruz bizim üçün bol qoz-fındıq, şəkərbura-paxlava yemək, qapılara atdığımız xurcunları doldurub yemək idi. Novruz bizə axsam saat 7-dən sonra gələrdi. Məhəllənin gəncləri gedər taxta toplardı, səhərdən axşama taxta toplamaq üçün çalışardılar. Sonra məhəllənin Arif əmisi gənclərə qıymazdı, gedər hazır alıb gətirərdi, uşaqların əylənməyə vaxtı qalsın deyərdi. Amma nədənsə bir nəçə saat o dəliqanlıları əziyyətə salardı. Bəlkə Novruz həm də zəhmətkeşliyin atributudur. Sonra məhəllənin ortasına qurulardı o tonqal. Başqa məhəllələrlə yarışardıq. Kimin tonqalının alovu daha çox görsənəcək. Arzular tutardıq, tonqaldan atlanardıq. Məhəllədəki küsülü qadınlar mütləq barışardı. Tonqalın üstündən atlandıqca, analarımızın duaları heç kəsilməzdi. Gecənin bir yarısına qədər əylənərdik. Arada 1 saat səssizlik olardı. O zaman da hər kəs bilərdi yemək vaxtıdı. Atdığımız xurcunlar heç bir zaman geri boş qayıtmazdı.  Hətta anamdan bilirəm ki, şirniyatlar artıqlaması ilə bişirilərdi. Xurcunları da diqqətə alardılar. Evimiz hərbi hissəyə yaxın idi. Novruz günü bayram gəzintisinə buraxılan, rus, özbək, tacik, gürcü əsgərlərin papaqlarını məhəllənin ortasına qoyduqları yadımdadı. Qərib əsgərlərdi deyirdilər. Həm papaqları dolardı, həm əlavə sovqat hazırlardı məhəllənin anaları.  Kimsə süfrəsinə tək oturmazdı. Bir baxardıq, qapımız çalındı. Qohumlar toplaşardı. Bayram sabaha qədər davam edirdi. O zaman yaxınını itirmiş bir ailə bayram qeyd etməzdi. Heç o ailə yalnız buraxılmazdı. Bütün qonum-qonşu əvvəlcə bayram xonçası ilə hüznlü ailəni ziyarət edərdi.  

Bu xoşbəxt günləri 16 il yaşadım. Sonra bayramlarda artıq daha diqqətli olurduq. Müharibə başladı, yavaş-yavaş tonqallar kiçildi. Düşmən tonqalımızı söndürüb, bayramımızı qara etməsin deyə. Ağdamda son Novruzumuz idi.  Çox kiçik bir tonqal qaladıq. Qorxa-qorxa ətrafına toplaşdıq. O gülüş və şənlik yox idi. Analarımızın bizim üçün dua əlləri artıq Qarabağ üçün açılmışdı. Allahım düşmana fürsət vermə, bizi torpağımızdan ayırma.... Bu duamız qəbul olunmadı. Sonra saf-saf düşünmüşdüm, bəlkə tonalımız kiçik idi, işığı az oldu deyə Allah bizi görmədi. Hər zaman duamızı eşidırdi axı...

Son Novruzdan sonrakı artıq köçkünlük dövrü idi. Yataqxanadaydıq. İlk 3 ili tonqal yandırmadıq. Ncə ki hüznü olan ailə bayram keçirməzdi, biz də eyni hissi yaşadıq. Nə bayram süfrəsi açdıq, nə güldük, nə də əyləndik. Biz süfrəmizə xatirələri düzdük. Amma bir neçə il sonra mən tonqal başına enməsəm belə, yavaş-yavaş insanlar tonqal qurdular. Bu dəfə də dualar bəlliydi. Bizi "Arsız qaçqlnlar" adlandırsalar da, uşaqların o oda ehtiyacı vardı. 26 ildir o tonqalların alovunda dualarımız yanlb kül olur.  Əslində, indiki Novruz da əskilər kimi deyil. Bərəkətini savaş aparıb. İndi sayla şirniyyat bişirib süfrəsinin "üzünü agardan" qadınlar artıq qapı çalınanda şad olmurlar. Bir papaq iki dəfə atılarsa, geriyə dönüşü ağır olur. Yaşam şərtləri bayramları da qoynuna aldı...

Amma yenə də mən Novruzu sevirəm. Novruzun qoğalını da, paxlavasını, şəkərburasını da, yeyib kökəlməkdən qorxmadan sevirəm.  Türkiyədə Bakıdakı Keçəlin keçəli, Kosanın 3 tükdən olan saqqalı üçün darıxmışam. Vətənin qoxusu o qədər gözəldi ki, sərhədi bir addım keçən kimi həm qışı, həm baharı üçün darıxırsan... Anlayın, mən həm keçmiş şən  Novruzum,  həm də indiki boynubükük Noruzum üçün darıxmışam... Burdan sizinlə bayramlaşıram,  neçə bayramlarınız olsun. 

Neçə mənsiz bayramın oldu boynubükük Qarabagım...

MÜƏLLİFİN DİGƏR YAZILARI
Azərbaycanda internet sürətlərini seçmək imkanı verən xidmət aktivləşib 24 Sentyabr 2021, 14:13 Azərbaycan Minsk qrupundan imtina etsə, nə baş verər? 24 Sentyabr 2021, 14:07 “İnternetin sürəti niyə zəifdir” sualına aydınlıq gətirildi 24 Sentyabr 2021, 14:04 Deputat Küveyt səfirilə görüşdü 24 Sentyabr 2021, 13:58 Zəngilanlılar bu ilin sonunadək öz evlərinə qayıda bilər - Prezident 24 Sentyabr 2021, 13:45 Elnur Əşrəfoğlunun vəziyyəti AĞIRDIR 24 Sentyabr 2021, 13:39 “Atamın məzarını ziyarət edəndə ona əsgəri salam verdim” - İlham Əliyev 24 Sentyabr 2021, 13:37 “Prezident regionda davamlı sülh istədiyimizi bir daha dünyaya çatdırdı” 24 Sentyabr 2021, 13:32 Hər kəs övladının əyani dərslərdə iştirakını təmin etməlidir - Nazirlik 24 Sentyabr 2021, 13:26 İlham Əliyev şuşalıların öz evlərinə qayıdacağı tarixi AÇIQLADI 24 Sentyabr 2021, 13:20 Şənbə gününün havası - Külək əsəcək, yağış yağacaq 24 Sentyabr 2021, 13:15 Qazinin pulunu və medalını oğurlayan şəxs tutuldu 24 Sentyabr 2021, 13:10 Qafqaz ölkələrini birləşdirəcək şərab marşrutu hazırlandı 24 Sentyabr 2021, 13:06 Şuşanı azad edəndən sonra Putin mənə zəng vurdu... - İlham Əliyev 24 Sentyabr 2021, 13:02 COVID-19 və qlobal siyasət: pandemiyadan sonra dünya necə görünəcək? 24 Sentyabr 2021, 12:58 Sentyabrın bütün ödənişləri KÖÇÜRÜLDÜ 24 Sentyabr 2021, 12:54 Kiyevdə Azərbaycan və Qırğızıstan diasporlarının görüşü keçirilib 24 Sentyabr 2021, 12:50 Nərimanovda şəhid ailələri ziyarət edilib 24 Sentyabr 2021, 12:45 Tuğda şərab zavodu bərpa olunacaq - Yeni mərkəzlər yaradılır 24 Sentyabr 2021, 12:40 İlham Əliyev: “Döyüş əməliyyatlarının planı çoxdan hazırlanırdı” - MÜSAHİBƏ 24 Sentyabr 2021, 12:34 Gəncə Dövlət Universitetin idarə heyəti toplandı 24 Sentyabr 2021, 12:30 Almaniyanın yeni kansleri kim olacaq? 24 Sentyabr 2021, 12:27 Dövlət Komitəsinin əməkdaşları Qroznıya səfər ediblər 24 Sentyabr 2021, 12:22 Texnoloji ixtisaslar üzrə tələbə qəbulu 75 faiz artırılıb - Nazir müavini 24 Sentyabr 2021, 12:16 Prezident şəxsi xüsusiyyətlərindən danışdı: “Prinsipcə, sakit insanam” 24 Sentyabr 2021, 12:10 ADU-da şəhid Ülvi Bünyadzadə anılıb - FOTOLAR 24 Sentyabr 2021, 12:05 İlham Əliyev İraqın neft nazirini qəbul edib 24 Sentyabr 2021, 12:00 “Ermənistan Azərbaycana qarşı ərazi iddiaları irəli sürməyə davam edərsə...” – Prezident 24 Sentyabr 2021, 11:56 Prezident XTQ-nin fəaliyyətini yüksək qiymətləndirdi 24 Sentyabr 2021, 11:52 Yuxarı Qarabağ kanalında bir nəfər batıb 24 Sentyabr 2021, 11:48 Horadiz-Cəbrayıl-Zəngilan-Ağbənd yolunun tikintisindən FOTOLAR 24 Sentyabr 2021, 11:44 Bu tarixədək Azərbaycan internetlə tam təmin olunacaq 24 Sentyabr 2021, 11:38 MRT və KT müayinələri üçün əks göstərişlər AÇIQLANDI 24 Sentyabr 2021, 11:35 Sentyabrda temperatur normadan yüksək olub 24 Sentyabr 2021, 11:34 Nazir azad edilmiş ərazilərdə kənd təsərrüfatının potensialından DANIŞDI 24 Sentyabr 2021, 11:30
SORĞU Hansı vaksinə etibar edirsiniz?