24 İyun 2019, 16:12 | Ana Səhifə - Yazılar - İstanbul seçkiləri: Türkiyə yeni mübarizə dönəmində
İstanbul seçkiləri: Türkiyə yeni mübarizə dönəmində

Anar TURAN


Dünən İstanbul bələdiyyə seçkilərinin qalibi müəyyənləşdi. Deməli Əkrəm İmamoğlu qələbə qazandı. Azərbaycana və azərbaycanlılara olan səmimi münasibətinə, əslinin-kökünün tarixi Azərbaycan hüdudları olan Ərzincandan, Azərbaycan türklərinin nəsillərindən olması səbəbindən Binalı Yıldırıma ölkəmizdə ciddi simpatiyanın olması dəqiqdir. Lakin Əkrəm İmamoğlu bu dəfə seçkinin parlayan ulduzuna çevrildi. Bu belə... Bəlkə də belə daha yaxşıdır və gözəldir, deyə bilmərəm. Hər halda bu, zamana həvalə olunmalı məsələdir. Biz də istəyirik ki, Türkiyəmiz üçün hər sarıdan xeyirli olsun.

Seçkiyə gəlincə isə məsələ belədir. İlk növbədə “Türkiyədə diktatura qurulur, seçkilər saxtalaşdırıla bilər və ya saxtalaşdırılacaq” deyənlər bu dəfə də yanıldılar. Seçki tam şəffaf və ədalətli mübarizə şəraitində keçdi. Bu şəraiti yaradan şübhəsiz ki, illərdir Avropa İttifaqının qəbul etmədiyi Türkiyə dövlətidir. Bu ənənəni dəyişməyən illərdir Qərb mediasının, siyasətçilərinin vaxtaşırı islam fundamentalizmini inkişaf etdirməkdə ittiham etdiyi, avtoritarlaşmaqda günahlanlanırdığı Ərdoğan iqtidarıdır. Bunu danmaq olmaz.

İkincisi, seçkinin taleyini Cumhuriyyət Xalq Partiyasının (CHP) əvvəllər sərgilədiyi siyasətdən fərqli olaraq nisbətən mühafizəkarlığa yer verməsi, əslində isə bir az da imitasiya edən platforma baxışları həll etdi. İmamoğluda bu daha qabarıq hiss olundu. Səmimi və ya qeyri-səmimi olduğunu gələcək göstərəcək. Amma onun şəxsi reytinqini qaldıran ən əsas amillərən biri Türkiyə əhalisinin əksəriyyəti əhatə edən kəsimi ilə sıx ünsiyyətə can atması, özünü də onların içindən çıxmış birisi kimi göstərməsi oldu. Burada İmamoğlunun siyasi portretini ayrıca, CHP-nin siyasətini isə ayrıca incələmək lazımdır. Çünki İmamoğlunun İstanbulda qalib gəlməsinin səbəbi CHP deyil, CHP-nin qalib gəlməsinin səbəblərindən biri isə İmamoğlunun siyasi portretindəki cizgilərdir.  Xüsusilə adı, soyadı dini məna daşıyan, Trabzondan dindar ailələdən çıxmış bir ailənin övladını irəli buraxmaq, CHP-nin əsas namizədinə çevirmək partiyanın yeni taktikasıdır. Onu da deyim ki, Türkiyə elə bir ölkədir ki, qeyri-səmimi davrananlar, platformasına əməl etməyənlər orada davamlı uğur qazana bilməzlər. Yəni Əkrəm İmamoğlunun ənənəvi CHP kosmopolit zehniyyətinə yaxınlığı bundan sonrakı fəaliyyətinə təsir etsə, bu, onun son uğuru ola bilər. Yox, əgər həqiqətən də, kampaniyasında göstərdiyi səmimiyyəti davam etdirə bilsə, CHP-nin mənəvi dəyərləri və ya dini əhəmiyyət daşıyan atributları hədəfə alan müəyyən seqmentinin yolu ilə getməsə, uğurları davamlı ola bilər. Yəni Türkiyədə bir siyasətçi tərəfindən əhali üçün nə edəcəyindən də vacib onun millilik və dini dəyərlərə münasibətini paralel ortaya qoymasıdır. CHP namizədinin xarizmatik, hazırlıqlı şəxs olmağından da vacib məsələ budur və məhz bu baxışlarına görə türk xalqı işləmək üçün ona bir şans yaratdı.

Üçüncüsü, seçkidə Xalqların Demokratik partiyası (HDP) təsirində olan kürdlərin  böyük rolu oldu. Kim nə deyirsə desin, HDP-nin seçkidə İmamoğlu tərəfində dayanması səslərin əhəmiyyətli hissəsi demək idi. HDP nümayəndələrinin seçkiləri “biz qazandıq” kimi tvitləri də təsadüfi deyildi. HDP-nin CHP ilə yolları isə gələcəkdə mütləq və mütləq ayrılmağa məhkumdur. Əks halda, bu Türkiyənin parçalanmasına qədər gətirib çıxara bilər. Lakin CHP-nin müstəqil şəkildə, ittifaq olmadan uğur qazanması da yaxın perspektivdə real deyil. Hələlik hakim Ədalət və İnkişaf Partiyasına (AK-parti) və şəxsən Ərdoğana qarşı olan mənfi münasibət bu partiyaları yaxınlaşdırıb. Onsuz da son seçkilərdə azlığa çevrilən MHP funksionerlərinin bölünməsi isə hər iki cəbhədə  səslərə təsir etmək baxımından xırda məsələ olmasa da, məyusluq yaradır. Çünki bir sıra milliyyətçilərin PKK-nın siyasi qanadı hesab olunan HDP ilə bir cərgədə qərar tutması ziddiyyətlidir.  

Hamını düşündürən suallardan biri də budur ki, seçkilərdən sonra hadisələr necə inkişaf edəcək ? Hətta Əkrəm İmamoğlunu indidən Türkiyənin gələcək prezidenti kimi görənlər də az deyil. Zənnimcə, İstanbul bələdiyyə başqanlığı mübarizəsində Cumhur ittifaqının məğlubiyyəti AK-partini bundan nəticə çıxarmağa sövq edəcək və güclü işləməyə, son illər sosial sahədə buraxılan səhvləri aradan qaldırmağa məcbur edəcək. Məncə, İstanbul seçkiləri Cümhur İttifaqına və xüsusilə AK-partiyə 2023-seçkilərinə qədər güclü çalışmaq və hazırlaşmaq üçün bir anons oldu. AK-partinin əhali içində sadiq dayaqlarının olmasını biz bundan öncə Məhərrəm İncəylə olan mübarizədə gördük. Belə güclü elektoratı olan bir partiya ilə mübarizə aparması üçün İmamoğlu və partiyası hələ çox işləməlidir.  Burdan isə belə nəticəyə gəlmək mümkündür ki,  Türkiyə daxili siyasi gücləri yeni mübarizə dönəminə qədəm qoyur və bunun qardaş dövlətin regionda və beynəlxalq aləmdə yeritdiyi siyasətə də təsir göstərəcəyi istisna deyil.

Türkmən Həkimləri Dərnəyinin sədri İlham Əliyevi təbrik etdi 30 Noyabr 2020, 18:23 Şəhid ailələri və Qarabağ müharibəsi əlillərinə yeni evlər verildi - FOTO 30 Noyabr 2020, 18:14 Azərbaycan Zod qızıl yatağı ilə bağlı araşdırmalara başlayır - RƏSMİ 30 Noyabr 2020, 18:05 İran Qarabağın bərpasında iştirak etməyə hazırdır - Vitse-prezident 30 Noyabr 2020, 17:59 Qəzada ölən tələbələr Covid-19 xəstələrini müalicə edirdilər - TƏBİB 30 Noyabr 2020, 17:53 Paşinyan rusiyalı həmkarı ilə telefonda danışdı 30 Noyabr 2020, 17:47 Banklarda bu günə olan valyuta məzənnələri 30 Noyabr 2020, 17:42 Azərbaycanda koronavirusa yoluxma AZALDI 30 Noyabr 2020, 17:36 Gəncə Şəhər Baş Polis İdarəsinə yeni rəis təyin edildi 30 Noyabr 2020, 17:30 “Oğlum öz şəklinə baxıb dedi ki, bir gün burada şəhid görəcəksən” - Şəhid anası 30 Noyabr 2020, 17:25 Azərbaycanın axtarışa verdiyi jurnalist Laçına gəldi 30 Noyabr 2020, 17:20 FHN-in Laçındakı inzibati binasının lövhəsi hazırdır 30 Noyabr 2020, 17:14 Ermənilər daha bir tarixi məscidimizi tövləyə çevirdi - FOTO 30 Noyabr 2020, 17:09 Laçının yol nişanları hazırlanıb 30 Noyabr 2020, 17:03 Ombudsman beynəlxalq ictimaiyyətə müraciət edib 30 Noyabr 2020, 16:58 İşğaldan azad olunmuş ərazilərə getməyə nə vaxt icazə veriləcək? - AÇIQLAMA 30 Noyabr 2020, 16:53 “Nar”ın 4G istifadəçilərinin sayı 35 % artıb   30 Noyabr 2020, 16:50 Rusiyanın Qafqazda rolu necə olacaq? - ŞƏRH 30 Noyabr 2020, 16:45 “Qəbələ” - “Qarabağ” matçının vaxtı açıqlandı 30 Noyabr 2020, 16:39 YAP Gəncə şəhər təşkilatının gəncləri şəhid ailələrini ziyarət ediblər - FOTO   30 Noyabr 2020, 16:34 Putin də Paşinyandan üz çevirdi – Moskva səfəri ləğv olundu 30 Noyabr 2020, 16:29 Biləsuvarda avtomobil kanala aşdı 30 Noyabr 2020, 16:26 Azərbaycan dövlətçiliyinin islahatlar və zəfər mərhələsi - Ədalət Vəliyevin YAZISI 30 Noyabr 2020, 16:20 Erməni bayrağını erməninin özünə endirtdi - VİDEO 30 Noyabr 2020, 16:16 Atambayev barədə məhkəmə hökmü ləğv edildi 30 Noyabr 2020, 16:11 Deputatın adına saxta profil açıldı   30 Noyabr 2020, 16:07 Sülhməramlılar münaqişə zonasından 600-dən çox cəsəd çıxarıb 30 Noyabr 2020, 16:05 İtaliyanın daha iki bələdiyyəsindən Azərbaycana DƏSTƏK 30 Noyabr 2020, 16:03 Azərbaycanda 8 siyasi partiya sədri vəfat edib 30 Noyabr 2020, 16:00 Şuşa uğrunda şəhid olan müəllim 30 Noyabr 2020, 15:55 Baş Prokurorluq əhaliyə müraciət etdi - VİDEO 30 Noyabr 2020, 15:50 Şuşa türməsində Dilqəm Əsgərovun şeir dəftəri TAPILDI - FOTO 30 Noyabr 2020, 15:45 Gəncədə erməni terroruna qarşı aksiya keçirildi - VİDEO 30 Noyabr 2020, 15:44 Ermənistanın dinc əhaliyə qarşı cinayətlərinin STATİSTİKASI 30 Noyabr 2020, 15:40 Evini tərk edən daha iki nəfər COVİD-19 xəstəsi saxlanıldı 30 Noyabr 2020, 15:37
SORĞU Cəbhə xəbərlərini hansı mənbədən alırsınız?