4 Dekabr 2020, 11:29 | Ana Səhifə - Yazılar - 485 arzuolunmaz fransız...
485 arzuolunmaz fransız...

Qəzənfər Həmidoğlu

Fransanın xarici işlər naziri Jan İv Lö Drian dekabrın 3-də Fransa Milli Assambleyasında (parlamentin aşağı palatası) qondarma Dağlıq Qarabağ Respublikasının tanınmasına dair qətnamənin müzakirəsi zamanı deputatları inandırmağa çalışdı ki, "bizim erməni dostlarımızın özləri də bunu istəmirlər". 


"Fransa Dağlıq Qarabağın müstəqilliyini tanımayacaq”, - deyən nazir bunu da anlatmağa çalışdı ki, hökumətin belə bir qərar qəbul etməsi Fransanın özü-özünü Minsk qrupunun həmsədrliyindən çıxarması demək olar: "Bu o deməkdir ki, biz vasitəçi rolundan imtina edirik". 


Guya ki, deputatlar Makronun nazirini saymadılar. "Respublikaçılar" fraksiyasının təqdim etdiyi tövsiyə xarakterli bədnam qətnaməni aşağı palatanın iclasında iştirak edən deputatların böyük əksəriyyəti dəstəklədi. Milli Assambleyanın 577 deputatından 207-si səsverməyə qatıldı: 188 deputat sənədin lehinə səs verdi. 3-ü əleyhinə çıxdı, 16 deputat bitərəf qaldı. 


Milli Assambleyanın qətnaməni bəyənməsi ərəfəsində ATƏT-in Minsk qrupunun həmsədrləri olan ölkələrin XİN rəhbərləri (Lö Drian, Lavrov və ABŞ dövlət katibinin 1-ci müavini Stiven Biqan) birgə bəyanatlarında Ermənistan və Azərbaycanı


"Minsk qrupu bayrağı altında uzunmüddətli və möhkəm sülh bağlamağa" cağırırdılar...


Əslində, qətnamənəyə necə səs veriləcəyi əvvəldən bəlli idi. Fransanın erməni təşkilatlarının koordinasiya şurasının həmsədri Mirad Papazyan iki gün əvvəl demişdi: "Biz Senatda səsverməni təşkil etdik. İki gün sonra Milli Assambleya qətnaməyə səs verəcək. Yəni Fransa xalqını təmsil edən hər iki qurum Dağlıü Qarabağın tanınmasına tərəfdardır. Biz həmçinin Fransa prezidenti ilə təmas yaratmaq üçün iş aparırıq". Hərifin "erməni məntiqi"nə görə, Fransa Dağlıq Qarabağı mütləq tanımalıdır: "Minsk qrupu həmsədrləri içində "Artsax"ın tanınması ideyasını müdafiə etmək Fransanın borcudur". 


Noyabrın 25-də oxşar qətnaməni Fransa Senatı qəbul etmiş və rəsmi Paris o vaxt da sənədə dəstək verməkdən dərhal imtina etmişdi. XİN-in dövlət katibi Jan-Batist Lemuan da "Dağlıq Qarabağın birtərəfli tanınmasının nə Ermənistana, nə Qarabağ sakinlərinə, nə də Fransaya xeyri var" demişdi.


Yuxarı palatanın 348 üzvü var. Səsvermədə 306 senator iştirak etmişdi: 305-i ermənilərin lehinə, vur-tut bir senator əleyhinə səs vetmişdi. Sonradan 5 senator səslərini geri çağıraraq bitərəf olduqlarını, 3 senator isə səsvermədə iştirakdan imtina etdiklərini bəyan etdilər. Yəni, Senatda açıq düşmən sayı 297-yə düşdü. 


Qətnaməyə Azərbaycan və Türkiyədən sərt etirazlar olmuş, Hikmət Hacıyev bədnam sənədi "kağız parçası" adlandırmışdı.


O vaxt sosialist senator Olivye For DW-yə demişdi ki, dekabrın 6-9-da Dağlıq Qarabağa səfər edəcək: "Biz Rusiyanın bayrağı altında atəşin kəsilməsinə dair imzalanan anlaşmadan sonra möhkəm nizamlamanın olacağına inanmırıq. Situasiya getdikcə pisləşir". 


Erməni lobbisinin Frans parlamentinin iki başına ip salıb oynatdığına inanmaq, qətnamələri fransızların etməniləri sadəcə məmnun etmələri kimi dəyərləndirmək sadəlövhlük, daha pisi özünü aldatmaqdır. Düzdür, Fransa hakimiyyəti pandemiya epoxasında dünyaya siyasi debilizm nümunəsi göstərir. Hökumət parlamentə "Qlobal təhlükəsizlik" adlı qanun layihəsi göndərib və sənədin 24-cü maddəsinə görə, etirazlar zamanı fransız polisinin şəklini çəkmək və videoya çəkmək qadağan edilir. Qanunu pozmağın cəriməsi 45 min avro, həbs cəzası bir ildir. Bu qanunun müzakirəyə çıxarılandan fransızlar küçələrdən yığışmır.


Amma fransız siyasəti hər şeyi erməniyə təslim edəcək dərəcədə abdal ola bilməz. Bu, hökumətlə parlamentin danışılmış oyununa oxşayır. . Makron İkinci Qarabağ müharibəsinin ilk günlərində Azərbaycana qarşı düşmən mövqeyini ortaya qoymuşdu. Sonradan susdu, taktiki səhv etdiyini anladığı üçün bir qədər geri çəkildi. Təbii ki, hökumətin mövqeyində dəyişiklik yoxdur. Lö Drian da dolayısı ilə etiraf edir ki, Fransanın vasitəçilikdən getməsi ermənilərin ziyanınadır. Təbii ki, Parisin imicinə də zərbədir. 


Yeri gəlmişkən, həmsədrlərin sonuncu bəyanatı qurumun "erməni damarı"nın yenə tutduğunu göstərdi: "Vasitəçilər bütün xarici muzdluların bölgəni tam və sürətli şəkildə tərk etmələrini tələb edir, bütün tərəfləri bu gedişi asanlaşdırmağa çağırır". 


Tərəflərdən danışmaq səmimiyyətsizlikdir. Çağırışın birbaşa hədəfi Azərbaycan və Türkiyədir. Hansı xarici muzdlular? Yenə başladılar. Bu feyk-xəbərlər iki mənbədən dünyaya yayılır: Rusiya və İrandan. Azərbaycan sərt cavab verməli və sübut istəməlidir...


Fransa Azərbaycana qarşı qərəzli və təhlükəli oynayır. Paris uzun illər Qarabağ danışıqlarında erməni maraqlarının ifaçısı olub, yenə olacaq - fransız qozbeli heç qəbir də düzəltməz. Digər tərəfdən, Paris əlinin altındakı anti-Azərbaycan qətnamələri təzyiq kimi saxlayacaq və fürsət gözləyəcək. Belə mülahizə də istisna deyil ki, Makron Fransanın həmsədrlikdən kənarlaşdırıla biləcəyi ehtimalından narahat olduğu üçün, 10 noyabrda Rusiyanın ABŞ və Fransanı offsayda saldığı üçün qətnamələri şantaj kimi ortaya çıxarıb. Yəni, bu iş Burbon və ya Lüksemburq saraylarında deyil, Yelisey sarayında bişib. Hər halda, qətnamələrlə bağlı situasiya və risklər ciddi təhlil edilməlidir.


Artıq fransız səfirə nota verməklə və ya "Fransa, Minsk qrupundan rədd ol!" deməklə yetərlənməməli, təsirli addımlar üzərində düşünməliyik. 


Fransız mallarının boykotu, ümumuyyətlə, dövləti hədəf almaq vaxt itkisidir. Qərbin Rusiyaya sanksiyaları göstərdi ki, cəza konktet adama toxunduqda daha effektli olur. 


Məsələn, senator For və bir sıra fransız parlamentari Qarabağa səfər etmək istəyir. Azərbaycan XİN bu situasiya ilə bağlı adətən xəbərdarlıq edir ki, belə səfərlər Azərbaycan hökuməti ilə razılaşdırılmalıdır, əks halda sanksiya tətbiq ediləcək. Amma belə xəbərdarlıqdan indiyədək nə sərçələr, nə də fransız xoruzu hürküb. Rusiya sülhməramlılarına Azərbaycanın icazəsi olmadan üçüncü ölkənin vətəndaşlarını Laçın dəhlizindən buraxmamağı qandırmaq uzun sürər. Üstəlik, onlar humanitar missiya ilə gələ bilərlər.


Kəsə və sərt yoldan getmək lasımdır. Madam ki, onlar Azərbaycanı hədəf alır, de-yure (qətnamə) və de-facto düşmən sayır və bunu gizlətmirlər, biz nədən üstümüzə xoruzlananları düşmən elan etməyək?!. 


Azərbaycan XİN 485 (297 senator+188 deputat) ermənipərəst parlamentarinin hamısını arzuolunmaz şəxs elan edə bilər. Bunun üçün sərhədi pozmalarına gərək yoxdur, qətnamələrin mətni 485 fransızı azı 5-10 dəfə düşmən elan etməyə yetər.


Siyahılarını dərc etmək, rusların əlinə vermək və bundan sonra tələb etmək lazımdır...


Türkiyə vaxtilə uydurma soyqırımla bağlı sadəcə sözlə hədələməklə kifayətlənmiş, əks tədbirlər görməmişdi. Nəticədə erməni azarına digər parlamentlər də zəncirləmə yoluxdu.


Əgər indi bizdən konkret cavab olmasa, Fransa parlamentinin bədnam təcrübəsi digər ölkələrin qanunverici orqanları üçün presedentə çevrilə bilər. 


Maraqlıdır, Azərbaycanda belə siyasətçi də tapılır ki, Fransa parlamentinin qətnamələrini Azərbaycanın "strateji kursunu Moskvaya doğru" dəyişməsindən Qərbin narazılığı ilə əlaqələndirir. Anlamaq lazımdır ki, danışıqlarda və regionda Rusiyanı neytrallaşdırmaq və ya balans yaratmaq üçün fransız faktoru nəinki faydasız, hətta zərərlidir.

MÜƏLLİFİN DİGƏR YAZILARI
Bayden Ermənistan və Azərbaycanı danışıqlara çağırdı 5 Avqust 2021, 03:54 İldırım toy mərasiminin 16 iştirakçısını vuraraq öldürdü 5 Avqust 2021, 01:00 “Futbolçular daha peşəkar davranmalıdırlar” - Qurban Qurbanov 5 Avqust 2021, 00:55 FHN Türkiyəyə göndəriləcək üçüncü qrupla bağlı məlumat YAYDI 5 Avqust 2021, 00:49 Tokio-2020-də medal sıralaması 5 Avqust 2021, 00:38 Azərbaycanda yeni musiqi aləti yaradıldı - VİDEO 5 Avqust 2021, 00:27 “Yanğınların söndürülməsinə dəstək olan ən önəmli ölkə Azərbaycandır” 5 Avqust 2021, 00:19 Azərbaycan daha 20 ölkə ilə sərhədlərini açdı 5 Avqust 2021, 00:08 Daha iki idmançımız mübarizəyə BAŞLAYIR 4 Avqust 2021, 23:59 Azərbaycan ABŞ-a qoyduğu bu qadağanı ləğv etdi 4 Avqust 2021, 23:48 Şəhriyar Məmmədyarov mübarizəni dayandırdı 4 Avqust 2021, 23:39 “Ciyərlərimizi yandıranların ciyərlərini yandıracağıq” - Ərdoğan 4 Avqust 2021, 23:28 Türkiyədə yanğın İES ərazisinə daxil oldu - VİDEO 4 Avqust 2021, 23:19 Türkiyədə yanğınlarla mübarizə davam edir - VİDEO 4 Avqust 2021, 23:09 Türkiyədə 1 ailəni qətlə yetirən şəxs tutuldu - FOTO 4 Avqust 2021, 22:58 Canlı yayında intihara cəhd edən qazi xəstəxanaya yerləşdirildi 4 Avqust 2021, 22:48 İraqdakı ABŞ hərbçilərinə hücum edilib 4 Avqust 2021, 22:39 Dənizdə batma təhlükəsi ilə üzləşən 5 nəfər xilas edildi 4 Avqust 2021, 22:28 Daşkəsən sakininə balta ilə xəsarət yetirildi 4 Avqust 2021, 22:17 Azərbaycandan Türkiyəyə dəstək üçün yeni heyət göndərilir 4 Avqust 2021, 22:08 Ukraynada azərbaycanlı gənc qətlə yetirildi 4 Avqust 2021, 21:59 Bu regionlarında böyrək daşı xəstəliyi daha geniş yayılıb 4 Avqust 2021, 21:48 Türkiyədə koronavirusla bağlı son vəziyyət 4 Avqust 2021, 21:39 Azərbaycanda valyuta ehtiyatlarının artımı proqnozlaşdırılır 4 Avqust 2021, 21:29 Bu ölkədə 3 yaşdan yuxarı uşaqlara da vaksin vurulacaq 4 Avqust 2021, 21:18 Türkiyədə yanğına görə daha bir nəfər həbs edildi 4 Avqust 2021, 21:08 Şokoladın səbəb ola biləcəyi xəstəliklər 4 Avqust 2021, 20:59 Bakı əhalisi ərzağa milyardlar xərcləyir 4 Avqust 2021, 20:48 MİQ üzrə müsahibə nə vaxt başlayacaq? 4 Avqust 2021, 20:39 Karantin qaydalarını pozan toy sahibləri CƏRİMƏLƏNDİ 4 Avqust 2021, 20:26 Bu gün 68 mindən çox vaksin vurulub 4 Avqust 2021, 20:14 Azərbaycanda yoluxma 1000-ə çatır - 5 nəfər öldü 4 Avqust 2021, 20:08 YAP-a birləşən bu partiyaların nümayəndələrinə üzüvlük vəsiqləri verilib 4 Avqust 2021, 20:00 Qətlə yetirilən Sevincin uşaqlarının aqibəti məlum oldu 4 Avqust 2021, 19:51 Ərdoğan Baxçalını evində ziyarət etdi 4 Avqust 2021, 19:40