4 Oktyabr 2021, 17:12 | Ana Səhifə - Yazılar - Sarkisyan nümunəsində revanşistlərə sərt xəbərdarlıq
Sarkisyan nümunəsində revanşistlərə sərt xəbərdarlıq

Elman Babayev

Prezident İlham Əliyev Suqovuşan qəsəbəsinin işğaldan azad olunmasının ildönümü günü bu müqəddəs yurd yerimizdə Azərbaycan bayrağını ucaldarkən etdiyi çıxış zamanı təkcə Ermənistanın keçmiş prezidenti Serj Sarkisyanın şəxsiyyətsizliyi, mənəviyyatsızlığı, cinayətkar əməlləri, simasız birisi olması ilə bağlı faktları açıqlamadı. Ali Baş Komandan Sarkisyanın nümunəsində Ermənistanda bütün revanşist qüvvələri və şəxsləri xəbərdar edərək, onlara layiq olduqları yeri göstərdi.


44 günlük Vətən müharibəsində Azərbaycan Ordusunun məhz neçə illərdir barəsində miflər uydurulan Koçaryan-Sarkisyan ordusunu məğlub etdiyi danılmaz faktdır. Azərbaycan əsgəri Ermənistanın keçmiş prezidentlərinə, onların havadarlarına, ümumilikdə Qarabağ siyasəti üzərində oyun oynayanlara heç vaxt unudulmayacaq acı məğlubiyyət yaşadıb. Məhz bu məğlubiyyəti az da olsa unutdurmaq, dirçəlmək üçün Sarkisyan kimilər gah revanşist bəyanatlar verir, gah da keçmişlə bağlı öz mahiyyətlərinə uyğun yalan və iftiralar uydururlar.


Amma Azərbaycan Ordusunun yazdığı şərəfli tarixi, düşmənə Sarkisyanın 10 illərdir qurduğu ordunu bir anda darmadağın etməsini unutdurmaq mümkün deyil!. Azərbaycan Ordusu məhz Xocalı faciəsinin qisasını alıb. O faciənin ki, həmin qətliamların fəal iştirakçısı məhz Sarkisyan idi. Hamının yaxşı xatirindədir ki, Sarkisyan Britaniyalı jurnalist, Karnegi Beynəlxalq Sülh Fondunun təhlilçisi Tomas de Vaala müsahibəsində “Xocalıya qədər azərbaycanlılar bizimlə, sadəcə zarafat etdiklərini düşünürdülər. Azərbaycanlılar elə bilirdilər ki, ermənilər dinc əhaliyə əl qaldıra bilməyən insanlardır. Bütün bu düşüncələri dəyişmək lazım idi. Belə də oldu”-, deyərək öz cinayətkar kimliyini ortaya qoymuşdu. Sarkisyan bunula erməni qüvvələrinin Xocalıda məqsədyönlü şəkildə dinc əhalini qırdığını və özünün, işğalçı ölkənin əsl mahiyyətini nümayiş etdirmişdi.


Sarkisyan həm də öz ölkəsində 1999-cu ildə parlamentdə törədilmiş terror aktının təşkilatçısı kimi tanınıb. Təsadüfi deyil ki, Erməni Milli Konqresi qanlı terror aktının 10-cu ildönümü ilə əlaqədar açıqlamasında Köçəryan və Serj Sarkisyanı qətllərdə günahlandıraraq bir çox şəxslərin onları hadisələrin əsl günahkarları hesab etdiklərini açıqlamışdı.


Sarkisyanın hakimiyyəti dövründə baş verən cinayətlər, orduda korrupsiya faktları isbat edir ki, o, təkcə Azərbaycan xalqına qarşı deyil, öz xalqının nümayəndələrinə qarşı da qanlı cinayətlər törədib. Çünki onun mahiyyəti cinayətdən, terrordan, yalandan, xəyanətdən ibarətdir.


Vətən müharibəsi zamanı Azərbyacan Ordusunun qarşısında duruş gətirə bilməyib qaçan, fərarilik edən Sarkisyan məğlubiyyəti Paşinyan hakimiyyətinin üzərinə yıxmaq, keçmişlə bağlı uydurmalar səsləndirməklə siyasi xal qazanmaq niyyəti güdür. Amma Ermənistandakı sonuncu seçkilər göstərdi ki erməni ictimaiyyəti həqiqətləri bilir. Əks təqdirdə məğlub olmuş Paşinyana deyil, Koçaryan-Sarkisyan birliyinin bağlı olduğu siyasi qüvvələrə səs verərdi. Bu, Sarkisyan və onun kimilərinin terrorçu, cinayətkar kimi öz xalqlarının gözündə belə sonuncu yerdə olmasının isbatıdır. Erməni xalqı cinayətkar, terrorçu, çirkab içində olan qüvvələrin yenidən hakimiyyətə gəlməsindənsə, məğlub olmuş Paşinyan hakimiyyətinə yenidən səs verməyi üstün tutdu. Tarixdə nadir rast gəlinən rəzil durumdur bəlkə də...


Azərbaycan Prezidenti çıxışında Sarkisyanın mahiyyətini tam çılpaqlığı ilə ortaya qoymaqla, bu gün Ermənistanda revanşist qüvvələrin arxasında duranların əsl kimliyini bir daha göstərdi. “Mən ona Serjik Sarkisyan ona görə demirəm ki, onu alçaltmaq istəyirəm, ona görə ki, bu, onun əsl adı və soyadıdır. Bizim arxivlərimizdə bu məlumatlar var. Onun “metirka”sında, yəni, doğum haqqında şəhadətnaməsində, onun komsomol biletində Sarkisyan Serjik yazılıbdır. Sonra bunu edib Sarkisyan Serj. Guya “Serj”, necə deyərlər, məqbul bir addır. Bu adam ömrü boyu oğru, cinayətkar, saxtakar, xain, satqın, fərari kimi tanınıb. Serjikin oğurluğu haqqında Ermənistanda bilməyən yoxdur. Bu gün onunla əlbir olan “müharibə qəhrəmanları” artıq ya həbsdədir, ya cəhənnəmdədir. “Tuşonka” satan və artıq cəhənnəmdə yanan, Serjikin sağ əli olan “general” Ermənistan ordusunun və Serjikin əsl simasını göstərir. Müharibə zamanı “tuşonka” satan general hansı sözlərə layiqdir? Serjikin sağ əli olan, müharibə dövründə müdafiə naziri vəzifəsində çalışan hərbi cinayətkar bu yaxınlarda Ermənistanda həbs edildi, oğurluğa görə. Nasaz silahlar alırdı, pullarını da qoyurdu cibinə. Bu haqda bizdə kifayət qədər məlumatlar var, həm müharibədən əvvəl, həm müharibə zamanı hansı əməllərdən çıxırdılar. Ayaqları altında torpaq yanırdı, Azərbaycan Ordusu hər gün irəli gedirdi, Ermənistan müdafiə naziri kontraktlar imzalayıb, nasaz silahlar aldırıb, qiymət fərqini də cibinə qoyurdu. Onlar Serjikin yetirmələridir, onun kimi oğrulardır”.


Cinayətkar Sarkisyanın keçmişi də xəyanət və çirkablarla doludur. Prezident İlham Əliyevin toxunduğu gerçəklərə baxaq: “O, hər addımbaşı xəyanət edib. Birincisi, çörəyini yediyi Azərbaycan xalqına. İkincisi, onun rəhbəri olan keçmiş Dağlıq Qarabağ Muxtar Vilayətinin birinci katibi Gevorkova ki, onun yavəri olub, onun qovluq daşıyanı olub. Bu, onun tərcümeyi-halında da var, bəlkə də onu sildirib, amma bizim arxivlərdə var. Çünki onun vəzifələrə təyin olunması Bakıdan keçirdi. Bizim arxivlərdə hər şey var. Serjik Sarkisyan Boris Gevorkovun rəsmən köməkçisi vəzifəsini daşıyırdı, amma faktiki olaraq nökəri, kabab bişirəni və istirahət məclislərinin təşkilatçısı funksiyasını yerinə yetirirdi. Sonra nə oldu? Sonra separatist hərəkat başlayan kimi Serjik Gevorkovu satdı, xəyanət etdi. Bu, ikinci xəyanət. Üçüncü xəyanət onun rəhbəri olan Köçaryana qarşı idi. İndi Ermənistanda bunu bilməyən yoxdur. Serjiki qulağından tutub vəzifələrə gətirən Köçaryan olmuşdur. Bütün vəzifələrə onu o, təyin edib. Prezident vəzifəsinə də zorla o, təyin etdirib. Halbuki erməni xalqı Serjikə nifrət edirdi. Ondan sonra nə oldu? Heç bir il keçmədi Köçaryanı artıq kənara qoydu, heç telefonlarına da cavab vermirdi. Görün, bu, nə qədər alçaq xislətli bir ünsürdür”.


Müzəffər Ali Baş Komandan İlham Əliyev sərt formada səsləndirdiyi bu fikirlərlə təkcə revanşist qüvvələrə meydan oxumadı. Bir yandan erməni ictimaiyyətinə müharibədən sonra yenə baş qaldırmaq istəyənlərin kimliyini xatırlatdı. Digər yandan Ermənistanda baş verən siyasi proseslərə təsirsiz ötüşməyəcək gedişlər etdi...


Ən nəhayət, status məsələsinin gorbagor olduğunu vurğulamaqla kiflənmiş Sarkisyan kimilərinin yenidən hansısa formada dirçəlməsinin mümkün olmayacağını bəyan etdi: “Bütün Ermənistanda onun kimilərə, bütün revanşist hisslərlə yaşayanlara müraciət edirəm - ağlınızı yığın başınıza. Dəmir yumruq buradadır, heç yerə getməyib, yerindədir. Bizi əsəbiləşdirməyin, özünüzü yaxşı aparın. Özünüzü yaxşı aparsanız, onda rahat yaşaya bilərsiniz. Yox, əgər bir daha bizə qarşı hər hansı bir təxribat, bəyanat, hərəkət olarsa, heç kimə baxmadan başınızı əzəcəyik. Heç kim də sizi müdafiə edə bilməz”

 

MÜƏLLİFİN DİGƏR YAZILARI
İraqda 5 terrorçu zərərsizləşdirildi 5 Dekabr 2021, 00:31 Hansı Avropa ölkələrində daha çox siqaret çəkilir? 5 Dekabr 2021, 00:18 Bakı və İrəvan arasındakı “barter"də kim qazandı... - TƏHLİL 5 Dekabr 2021, 00:12 Qarabağda daha bir erməni hərbçinin qalıqları TAPILDI 4 Dekabr 2021, 23:50 Dünyanın turizm paytaxtı bu şəhər olacaq 4 Dekabr 2021, 23:31 Zərərsizləşdirilən erməni təxribatçının cəsədi təhvil VERİLDİ 4 Dekabr 2021, 23:15 İranın nüvə obyekti yaxınlığında PARTLAYIŞ 4 Dekabr 2021, 22:59 “Ərdoğan Putinlə Zelenski arasında dialoq təşkil edə bilər” 4 Dekabr 2021, 22:44 ATƏT XİN başçılarının görüşünü keçirməyə HAZIRDIR 4 Dekabr 2021, 22:26 Keniyada avtobus çaya düşdü - 23 ölü  4 Dekabr 2021, 22:13 Ərdoğanın mitinqi öncəsi terror aktının qarşısı ALINDI 4 Dekabr 2021, 21:55 Türkiyədə koronavirusla bağlı son vəziyyət 4 Dekabr 2021, 21:48 “Telegram”ın işində nasazlıq 4 Dekabr 2021, 21:33 Təhvil verilən erməni hərbçilərin adları açıqlandı 4 Dekabr 2021, 21:14 Rusiyanın Suriyada kürd HƏMLƏSİ 4 Dekabr 2021, 21:01 Bayden və Putin bu tarixdə danışacaq 4 Dekabr 2021, 20:47 Ukraynaya daha çox "Bayraktar" SATILIB? 4 Dekabr 2021, 20:33 “Keçən bir il onu göstərir ki, artıq Ermənistan-Azərbaycan münaqişəsi başa çatıb” 4 Dekabr 2021, 20:16 "Qarabağ" "Sabah"ı darmadağın etdi - Qış çempionu oldu 4 Dekabr 2021, 20:13 İndoneziyada vulkan püskürdü - Ölü və yaralılar var 4 Dekabr 2021, 20:07 Şabranda quşçuluq sexində yanğın 4 Dekabr 2021, 19:55 "Instagram"da nasazlıq yarandı 4 Dekabr 2021, 19:47 Gürcüstan silkələndi 4 Dekabr 2021, 19:39 ABŞ "Əl-Qaidə" liderinə zərbə endirdi 4 Dekabr 2021, 19:26 Hüquq müdafiəçiləri nazirlə Tofiq Yaqublunun vəziyyətini müzakirə etdi 4 Dekabr 2021, 19:21 Aİ-dən Latın Amerikasına 3.4 milyardlıq yardım 4 Dekabr 2021, 19:09 Ermənistan digər ərazilərin mina xəritələrini də Azərbaycana VERDİ 4 Dekabr 2021, 18:41 Sahil Babayev məşhur teleaparıcının oğlunu vəzifəyə təyin etdi - FOTO 4 Dekabr 2021, 18:32 Azərbaycan daha 10 erməni hərbçini TƏHVİL VERDİ 4 Dekabr 2021, 18:29 Azərbaycan və Türk diaspor təşkilatlarının əməkdaşlığı 4 Dekabr 2021, 18:20 İran parlamenti sədrinin 1-ci müavini Azərbaycan səfirini təbrik edib 4 Dekabr 2021, 18:18 Keçmiş prezident Putinin partiyasına sədr seçildi 4 Dekabr 2021, 18:11 “İçərişəhər”in direktor müvini koronavirusdan öldü 4 Dekabr 2021, 17:49 Ermənistanda polis polkovniki həbs edildi 4 Dekabr 2021, 17:46 Ərdoğan Türkyənin brendini niyə dəyişdirdi... - FOTO 4 Dekabr 2021, 17:22
SORĞU Kommunal xərciniz ən çox hansı xidmətə gedir?