Türkiyədə Dron Festivalı keçiriləcək. Dünyada ilk dəfə təşkil olunan festival avqustun 23-də start götürəcək.
Modern.az xəbər verir ki, artıq festivala hazırlıq işləri tam başa çatıb.
Məlumata görə, beş gün davam edəcək festivalda dünyanın dörd bir yanından qatılacaq professional "FPV drone" (kameralı dronlar) pilotları Türkiyənin ən əhəmiyyətli yerlərini tanıtmaq istiqamətində yarışacaqlar.
ABŞ, İngiltərə, Fransa, İsveç və digər ölkələrdən tanınmış dron pilotları festivalda iştirak edəcəklər.
