Niderlandın Baş naziri Mark Rutte NATO-nun Baş katibi postunu tutmağa hazır olduğunu bildirib.
Modern.az xəbər verir ki, bu barədə o, Niderlandın “Den Haag FM” radiosuna açıqlamasında danışıb.
Rutte NATO-da ən yüksək vəzifənin onun üçün "çox maraqlı" olduğunu deyib.
O, NATO Baş katibi olmaq üçün kampaniya aparmağı planlaşdırmadığını, lakin təklif gələcəyi təqdirdə qəbul edəcəyini qeyd edib.
Xatırladaq ki, Yens Stoltenberq alyansa 2014-cü ildən rəhbərlik edir və onun səlahiyyət müddəti bu yaxınlarda dördüncü dəfə - gələn ilin oktyabr ayına qədər uzadılıb.
