Rusiyanın həbsdə olan müxalif siyasətçisi Aleksey Navalnı ölkə vətəndaşlarını prezident seçkilərində Vladimir Putindən başqa istənilən namizədə səs verməyə çağırıb.
Modern.az "Xolod"a istinadən xəbər verir ki, bu barədə onun teleqram kanalında həbsdən göndərdiyi müraciət yayımlanıb.
“Seçki günü hamını seçki məntəqələrinə gedərək Vladimir Putinin əleyhinə səs verməyə çağırırıq. Bu, hər hansı digər namizədə səs verməklə edilə bilər”, - deyə qeyd olunub.
Qeyd edək ki, bu gün elan olunan rəsmi qərarla Rusiyada Prezident seçkiləri 2024-cü il martın 17-ə təyin olunub.
