"Dünyanın Putinə münasibəti müxtəlifdir, amma əsas odur ki, prezidenti rusların əksəriyyəti dəstəkləyir".
Modern.az TASS-a istinadən xəbər verir ki, bunu Kremlin sözçüsü Dmitri Peskov deyib.
"Rusların Putini dəstəkləməsi təkzibedilməz faktdır, prezident bu münasibəti yüksək qiymətləndirir. Bayden və Zelenski arasındakı görüşün nəticələri döyüş meydanındakı vəziyyəti və gedişatı dəyişdirə bilməyəcək. Ukraynaya verilən on milyardlarla dollar kömək etmədi, yeni on milyardlar eyni fiaskoya məhkumdur. Ukraynadakı uğursuzluqlar bu ölkədə hakimiyyətin nüfuzunun zəifləməsinə gətirib çıxarır, bunu adi gözlə görmək olar. Silahlar uğuldayarkən, Fələstin-İsrail münaqişəsi zonasında mülki insanlara kömək etmək demək olar ki, mümkün deyil. Kreml ABŞ və hər hansı digər ölkələrin Navalnının vəziyyətinə müdaxiləsini qəbuledilməz hesab edir. Kreml Navalnının olduğu mövzunu şərh etmir və məhbusları izləmək niyyətində deyil, imkanı da yoxdur. Putin yaxın vaxtlarda Latın Amerikasına səfər etməyi planlaşdırmır. Rusiya Federasiyası Argentina ilə münasibətləri inkişaf etdirməkdə maraqlıdır və ümumi maraqlara diqqət yetirəcək", - sözçü belə deyib.
"Putin dekabrın 12-də Rusiya Federasiyası Konstitusiya Məhkəməsinin hakimləri ilə görüşəcək", - Peskov əlavə edib.
