Almaniyada doğum nisbəti 1946-cı ildən bəri ən aşağı səviyyəyə düşüb.
Modern.az Almaniya Federal Statistika İdarəsinin məlumatlarına əsasən xəbər verir ki, 2025-ci ildə Almaniyada 654.300 uşaq dünyaya gəlib, lakin, eyni il ərzində 1,01 milyon ölüm qeydə alınıb.
Statistika İdarəsindən bildirilib ki, bu, müharibədən sonrakı dövrdə ən böyük doğum çatışmazlığıdır. Almaniyada doğum nisbəti ardıcıl dördüncü ildir ki, azalır. Ən nəzərəçarpacaq azalma ölkənin şərqində müşahidə olunur. Hamburq doğum nisbətində 0,5% cüzi artım qeydə alan yeganə federal əyalətdir.
Fransa, Avstriya, İtaliya və İsveç də doğum nisbətlərinin azaldığını bildirir. Bunun əksinə olaraq, İspaniya, Hollandiya və Finlandiyada doğum nisbətləri sabitləşir.
