Yəmənin Ədən körfəzi sahilində yerləşən Əş-Şihr şəhərindən 50 dəniz mili cənub-şərqdə tankerin qaçırılmasına cəhd edilib.
Modern.az xəbər verir ki, bu barədə Britaniya Hərbi Dəniz Qüvvələrinin Dəniz Ticarət Əməliyyatları Mərkəzinin (UKMTO) məlumatında deyilir.
"UKMTO Əş-Şihrdən 50 dəniz mili cənub-şərqdə insident barədə məlumat alıb. Məhsul daşıyan tankerin kapitanı göyərtəsində beş silahlı şəxsin olduğu qayığın yaxınlaşdığını bildirdi. Onlar gəmiyə qalxmağa çalışıblar. Buna cavab olaraq gəmi yayınma manevri edib və kursunu dəyişib. Gəmi hazırda təyinat limanına doğru gedir. Ekipaj üzvləri xəsarət almayıb",- məlumatda deyilib.
