Kriştiano Ronaldo milli komandadan ayrılmaq fikrində deyil. 41 yaşlı ulduz futbolçu Portuqaliya millisinin yeni baş məşqçisi Yorqe Jesusun açıqladığı heyətə daxil edilib. Ronaldo qarşıdakı UEFA Millətlər Liqası oyunlarında da Portuqaliyanın formasını geyinəcək.
Modern.az xəbər verir ki, Portuqaliya sentyabrın 24-də Uels, sentyabrın 27-də Norveç, oktyabrın 1-də Danimarka, oktyabrın 4-də isə yenidən Norveçlə qarşılaşacaq. Komandanın noyabrda da Danimarka və Uelslə oyunları nəzərdə tutulub.
Ronaldo hazırda Portuqaliya millisinin tarixində 233 oyunda 146 qolla dünya rekorduna sahibdir. UEFA-nın məlumatına görə, o, milli komandada bu qollara əlavə olaraq çoxsaylı məhsuldar ötürmələri ilə də fərqlənib.
Klub və milli karyerası üzrə isə Ronaldo artıq 979 qola çatıb və 1000 qol həddinə yaxınlaşır.
Nicat Rüstəm
