“Qarabağ”ın futbolçusu Əli İbrahimin Yunanıstanın “Olimpiakos” klubuna yollanacağı dəqiqləşib.
Modern.az yerli mətbuata istinadən xəbər verir ki, 18 yaşlı hücumçu tezliklə adıçəkilən ölkəyə gedəcək.
Klublar arasındakı razılığa əsasən, Əli bir müddət “Olimpiakos”da sınaqdan keçiriləcək. Futbolçu Yunanıstan nəhəngində özünü doğrulda bilsə, “Olimpiakos” transferi həyata keçirmək üçün “Qarabağ”la danışıqlara başlayacaq.
Pirey təmsilçisi onu əvvəlcə B komandasına cəlb edəcək və həmyerlimiz əvəzedici komandada çıxış edəcək.
Qeyd edək ki, Əli İbrahim son olaraq Azərbaycanın U-20 millisinin heyətində təlim-məşq toplanışında iştirak edib
