“Real”ın hücumçusu Yan Diomande İspaniya çempionatının 8-ci turunda “Vilyarreal” üzərində qazanılan qələbədən (1:0) sonra vurduğu qolu 2025-ci ildə vəfat edən bacısına həsr edib.
Modern.az xəbər verir ki, bu, onun Madrid klubunun heyətində vurduğu ilk qol olub.
“Liqada vurduğum ilk qol sənə həsr olunur, bacım. Sən həmişə qəlbimdəsən”, — deyə Diomande sosial şəbəkə hesabında yazıb.
Diomandenin Roksana adlı bacısı 2025-ci ildə vəfat edib. Məlumata görə, o, məclislərdən birində içkisinə naməlum maddə qatıldıqdan sonra zəhərlənib və həkimlər onun həyatını xilas edə bilməyiblər.
Avqustun 6-da “Real” Diomandenin “Leypsiq”dən transfer olunduğunu açıqlayıb. Hücumçu Madrid klubu ilə 2033-cü ilin yayına qədər müqavilə imzalayıb.
Kütləvi informasiya vasitələrinin məlumatına görə, Madrid klubu Kot-divuar millisinin futbolçusu üçün 125 milyon avro ödəyib, əlavə olaraq 15 milyon avro bonus nəzərdə tutulub. Bu transferin “Real”ın tarixində rekord olduğu bildirilir.
