Arxiv
9 Sentyabr 2015, 15:50 | FOTOSÖHBƏT
Xalq artisti Habil Əliyevlə FOTOSÖHBƏT

Modern.az saytı məşhur kaman ustadı Habil Əliyevlə fotosöhbət layihəsini təqdim edir.

Habil Mustafa oğlu Əliyev 1927-ci il may ayının 28-də Azərbaycan Respublikası Ağdaş rayonunun Üçqovaq kəndində anadan olub. Yeddi yaşında ikən rayon mərkəzindəki 3 saylı yeddiillik məktəbə gedib. Həmin illərdə məşhur xanəndə və musiqi müəllimi Əhməd Ağdamski (Əhməd Bəşir oğlu Bədəlbəyli) Habilgilin evində kirayədə yaşayırdı. Əhməd Ağdamskinin yaşadığı evə vaxtaşırı musiqiçilər toplaşar, muğamlardan, təsniflərdən, xalq mahnılarından danışar, yeri gəldikcə onlardan parçaları tarda, ya kamançada ifa edərdilər. Balaca Habil uşaq marağı ilə çalğıya qulaq asar, mənasını kəsdirmədiyi söhbətləri dinləyərdi. Elə həmin vaxtdan da Habilin qəlbinə sənətə məhəbbət közü düşmüş, günbəgün, aybaay alışıb alovlanmağa başlamışdı.

Ağdaş musiqi məktəbinə qəbul olan H.Əliyev əvvəlcə tarla maraqlanıb. Ancaq fiziki cəhətdən zəif olduğu üçün biləyi tara tab gətirməyib. Kamançanı seçib. Elə həmin vaxtdan da meylini kamana salıb.

Yeddinci sinifi və həm də musiqi məktəbini bitirəndən sonra Habil pedaqoji məktəbə daxil olub. O, pedaqoji məktəbdə oxumaqla bərabər axşamlar Nəcəf bəy Vəzirov adına Ağdaş Dövlət Dram teatrında işləyib, kamança çalıb. Balaca Habil eyni zamanda Ağdaş rayon pionerlər evində rəqs dərnəyinin də üzvü idi və o, 1944-cü ildə Bakıda keçirilən baxış müsabiqəsinin qalibi olub.

H.Əliyev 1947-ci ildə Ağdaşda Pionerlər evində dərnək rəhbəri olub.

1952-ci ildə Bakıya gəlib Asəf Zeynallı adına orta ixtisas Musiqi Məktəbinin kamança şöbəsinə daxil olub. Görkəmli tarzən Qurban Pirimovdan və məşhur müğənni Xan Şuşinskidən muğam sənətinin sirrlərini öyrənməyə başlayıb.
Habil Əliyev 1953-cü ildə Müslüm Maqomayev adına Azərbaycan Dövlət Filarmoniyasında əvvəlcə rəqs ansamblında müşayiətçi, sonra isə trioda kamança çalan kimi fəaliyyətə başlayıb. Seyid Şuşinski, Həqiqət Rzayeva, Xan Şuşinski, Zülfü Adıgözəlov, Mütəllim Mütəllimov, Şövkət Ələkbərova, Sara Qədimova, Fatma Mehrəliyeva kimi sənatkarların konsertlərində müşayiətçi olan Habil Əliyev həvəslə onların ölməz irsindən bəhrələnir.

1961-ci ildə Habil Əliyevin televiziyada ilk konserti olub. Onun yeni ifaçılıq texnikası ilə çaldığı "Segah"musiqisevərlər arasında geniş söz-söhbətə səbəb olub.

Habil Əliyev ğtən əsrin 50-ci illərin sonu, 60-cı illərin əvvəllərində mahir kamança ustası kimi formalaşıb el arasında geniş şöhrət tapıb.
Habil Əliyev keçmiş SSRİ respublikalarında və eləcə də dünyanın bir çox ölkələrində Türkiyə, Amerika, Almaniya, İngiltərə, Fransa, Hindistan, Pakistan, İran, Misir, İsveçrə, Hollandiya, Tunis, Yaponiya, Suriya, Mozambik və s., qastrol səfərlərində olub.

Ustad sənətkar virtuoz ifaçılığı ilə yanaşı gözəl mahnıların da müəllifidir. Onun bəstələdiyi 15-dən artıq mahnı bu gün də tanınmış musiqiçilər tərəfindən sevilə-sevilə ifa olunur. Habil Əliyevin dünyanın böyük dövlətləri olan ABŞ, Fransa, Yaponiya, İtaliya və Yunanıstanda Azərbaycan muğamlarından və xalq mahnılarından ibarət kompakt diskləri də buraxılıb.

Habil Əliyev sənətdə göstərdiyi xidmətlərinə görə 29 iyun 1964-cü ildə "Əməkdar artist", 11 yanvar 1978-ci ildə isə "Xalq artisti" fəxri adlarına layiq görülüb. Dövlət tərəfindən dəfələrlə müxtəlif orden və medallarla, döş nişanları və fəxri fərmanlarla təltif olunub. Respublika Prezidentinin Fərdi təqaüdçüsü olub.

1954-cü ildə ailə quran sənətkarın 3 qızı, 1 oğlu, 8 nəvəsi var.

 

1942-ci il. 15 yaşındayam...

 

Bakıda keçirilən baxış müsabiqəsində rəqs edərəm. 1944-cü il  idi, mən müsabiqənin qalibi oldum.

Məşhur qəzəlxan Əliağa Vahidlə. 1957-ci il.

 

Artıq 31 yaşım var. 1958-ci ildi...

Həyat yoldaşı Şərqiyyə xanımla Kislovodskiyə dincəlməyə getmişdik. 1960-cı il.

1961-ci ildə Suriyaya qastrola getmişdik...

Üç məşhur bir arada. Solda xanəndə Yaqub Məmmədov, ortada tarzən Həbib Bayramov və mən. 1964–cü il.

1968-ci il. Bir məclisdə muğam çalınır, biz xəyala dalmışıq.

Ayaq üstə soldan soğa: Habil Əliyev, qızı Vəfa, qardaşı Tahir. Oturanlar soldan sağa: Şərqiyyə xanım, oğlu Rəvan, qızı Rəna, qardaşının həyat yoldaşı Solmaz xanım və qardaşı oğlu Ülvü. 1969-cu il. 

1971-ci il idi. Qızım Rəna və oğlum Rəvan və xanımımla Moskvadayıq. Bu da ordan bir xatirədi...

 

Fransa. Noterdam kilsəsi qarşısında. 1972-ci il.

 

1977-ci il. Mahir kamança ustası kimi el arasında şöhrətim artıb...

 

Qızlarım Vəfa və Rəna ilə. 1975-ci ildə çəkilib.

 

Bu da oğlum Rəvan. 1975-ci il.

Dahi bəstəkar, SSRİ xalq artisti Fikrət Əmirovla. 1982-ci il.

Görkəmli bəstəkar Səid Rüstəmovla. 1982-ci il.

Bu şəkil 1982-ci ildə lentə alınıb. Xalq şairi Bəxtiyar Vahabzadə və xalq artisti Şövkət Ələkbərovayla birgə...

1986-cı il. Pakistanda qastroldayam.

Sənət dostlarım: iki məşhur xanəndə... Solda İslam Rzayev, sağda Mais Salmanov.

Rəssamlar İttifaqının sədri Fərhad Xəlilovla sənətdən danışırıq.

Nepaldayıq. 1987-ci il.

Xalq artisti Məlik Dadaşovu təqdim etməyə ehtiyac yoxdu. 1987-ci il.

İki baməzə dost... Allah Hacıbaba Bağırova rəhmət eləsin...

1990-cı il idi. Tehrana qastrola getmişdim. İran jurnalisti məndən müsahibə alır.

 

SSRİ xalq artisti Zeynəb Xanlarova ilə. İndi belə ifaçılarımız azdır...

 

İslam dövlətlərinin incəsənət ustaları arasında. Tehran. 1991-ci il.

 

Rəhmətlik Məmmədbağır Bağırzadə ilə yaxşı dost idik... Tez getdi həyatdan...

 

Oğlum Rəvan. Bir ara onu da müğənni kimi telekanallarda görmüsünüz.

 

Ümummili lider Heydər Əliyevlə. "Gülüstan sarayı". 1997-ci il.

 

İranda çox məşhuram. İran İslam Respublikasının sabiq prezidenti Məhəmməd Xatəmi mənimlə salamlaşır...

 

Pərəstişkarlarımın əhatəsində. Avtoqraf alırlar...

 

Dövlətdə dəvə, övladda nəvə... Nəvələrimizlə birlikdəyik...

 

1998-ci ildə İranda səfərdəyəm. Məşhur İran sənətkarları professor Əli Təcvidi və tarzən Cəlil Şahnaz ilə. 

 

2003-cü ildə ailəmiz üçün əziz məclislərin biri.. Şərqiyyə xanımla rəqs edərkən...

Bu şəxs böyük yunan musiqiçisi Ross Dalidir. 2004-cü ildə Yunanıstandayam.

 

Azərbaycan Respublikasının Prezidenti İlham Əliyev cənabları ilə. "Gülüstan sarayı". 2005-ci il. 

 

Ekspromt müsahibə. 2005-ci il. 

 

Heydər Əliyev Fondunun Prezidenti, millət vəkili Mehriban xanım Əliyeva ilə. Dövlət Filarmoniyası. 2006-cı il 

 

Gitaraçı Rəhman Məmmədli və xalq şairi Zəlimxan Yaqubla...

 

Kamança ruhumu qidalandırır...

 

Sənət dostlarım... Şəkildəkilərin hamısını tanıyarsınız...

 

Dünyanın dörd bir yanında olmuşam. Şərqiyyə xanımla Hollandiyada səfərdəyik...

 

Ömür keçib, gün keçib, cavan olmaram bir də mən...


Modern.az

BU KATEQORİYADAN OLAN DİGƏR XƏBƏRLƏR
+ Arxiv
Makqreqor yenidən Həbiblə qarşılaşa bilər 29 May 2020, 20:31 Türkiyədə bağlanan məscidlər 74 gün sonra açılıb 29 May 2020, 20:15 ATƏT Parlament Assambleyasından Azərbaycana təbrik 29 May 2020, 20:01 Hərbi müəssisələrdə və təcridxanalarda epidemioloji vəziyyət stabildir 29 May 2020, 20:00 Nazirlikdən hava xəbərdarlığı - temperatur 4 dərəcə aşağı enəcək 29 May 2020, 19:56 Uşaq bağçaları nə vaxt açılacaq? - TƏBİB-dən AÇIQLAMA   29 May 2020, 19:52 Koronavirus xəstələri üçün 7 min çarpayı ayrılıb 29 May 2020, 19:44 Qışda koronavirusun ikinci dalğası ola bilər - RƏSMİ 29 May 2020, 19:36 Tural Gəncəliyev Qarabağ separatçılarının rəhbərinə CAVAB VERDİ 29 May 2020, 19:30 Rayonlara gediş-gəliş nə vaxt bərpa olunacaq? - RƏSMİ AÇIQLAMA 29 May 2020, 19:25 Şənbə və bazar günləri məhdudiyyətlər tətbiq olunacaq - Operativ Qərargah 29 May 2020, 19:18 190 manat iyunda da veriləcək? - RƏSMİ CAVAB 29 May 2020, 19:10 Xaricdən gələnlər arasında çox sayda koronavirusa yoluxanlar var 29 May 2020, 19:05 Koronavirus xəstələrinin evdə qalması məcburi olacaq 29 May 2020, 19:01 Yas yerlərində kütləvi yoluxma halları var - Operativ Qərargah 29 May 2020, 18:59 Azərbaycanda koronavirusdan ölənlərin yaş qrupları açıqlandı 29 May 2020, 18:51 Gəncə və Naxçıvana uçuşlar bu tarixdə bərpa olunacaq 29 May 2020, 18:47 Azərbaycanda koronavirusa yoluxanların 5 faizi uşaqlardır 29 May 2020, 18:43 Rayonlarda karantin rejimi yenidən sərtləşdirilə bilər 29 May 2020, 18:40 Azərbaycanda koronavirusa ən çox yoluxma bu bölgədə olub - RƏSMİ 29 May 2020, 18:36 Gələn həftə Britaniyadan Azərbaycana çarter reysi təşkil olunacaq 29 May 2020, 18:32 Hansısa rayonda ocaq aşkarlanarsa, orda xüsusi karantin rejiminin tətbiq olunacaq - Operativ Qərargah 29 May 2020, 18:25 Tibbi maska ilə bağlı cərimə Milli Məclisdə müzakirə olunur 29 May 2020, 18:17 Maskalardan istifadə və sosial məsafənin qorunmasına nəzarət ciddi olacaq - İbrahim Məmmədov 29 May 2020, 18:10 Azərbaycanda koronavirusa yoluxma sayı rekord həddə çatı - daha 2 nəfər vəfat etdi 29 May 2020, 18:03 Operativ Qərargah brifinq keçirir - Canlı yayım 29 May 2020, 18:00 Pərvin Kərimzadə: “Qobu Park-3” ardıcıl və məqsədyönlü siyasətin davamıdır   29 May 2020, 17:58 UNEC-in 90 illiyinə həsr olunan beynəlxalq elmi konfrans keçirilib 29 May 2020, 17:51 Əli Əsədov MDB Hökumət Başçıları Şurasının iclasında iştirak edib 29 May 2020, 17:46 Qüvvədə qalan qadağaların tam SİYAHISI 29 May 2020, 17:40 Böyük Britaniya honkonqlulara vətəndaşlıq verə bilər 29 May 2020, 17:35  Kinoteatr və əyləncə mərkəzləri  BAĞLI QALDI 29 May 2020, 17:28 Maska taxmaq məcburi olan yerlərin TAM SİYAHISI 29 May 2020, 17:26 Bu tarixdən dövlət qurumları tam heyətlə fəaliyyətə başlayır 29 May 2020, 17:21 Kafe-restoranların iş saatı uzadıldı 29 May 2020, 17:15