Arxiv
27 Yanvar 2020, 11:05 | ÖLKƏ
Maaş artımı həkimlərin “pul yanğısı”nı necə söndürəcək?  

Rəsmilər illərdir bizi Azərbaycanda ödənişsiz səhiyyə xidmətinin mövcud olduğuna inandırmağa çalışsalar da, deyilənlər hələ də bizim üçün xəyal olaraq qalmaqdadır. Bu səbəbdəndir ki, rüşvətsiz səhiyyəni “gördüm” deyən tapılmır. İş o yerə çatıb ki, hətta pasiyentlər müayinə, yaxud müalicə üçün resept yazanda “şirinlik” istəməyən həkimə “birdən yaxşı yoxlamaz” düşüncəsilə məcburən rüşvət verir.

 

Rüşvətə geyindirilən “don” isə həkimlərin, ümumilikdə tibb işçilərinin əməkhaqlarının aşağı olmasıdır. Nəhayət İcbari Tibbi Sığorta üzrə Dövlət Agentliyi “Tibbi Ərazi Bölmələrini İdarəetmə Birliyi” (TƏBİB) publik hüquqi şəxsin tabeliyindəki tibb müəssisələrində çalışan səhiyyə işçilərinin əməyinin ödənilməsi sistemi haqqında” Qaydanı təsdiq etdi. Qaydaya əsasən tibb işçisinin əmək haqqına tutduğu vəzifədən, stajından və xidməti fəaliyyətinin qiymətləndirilməsindən asılı olaraq müəyyən edilən vəzifə (tarif) maaşı, əmək şəraitinə görə ödənilən əlavələr, həvəsləndirici əlavələr və Əmək Məcəlləsində nəzərdə tutulmuş digər ödənişlər veriləcək.

 

Maraqlıdır, əlavə ödənişlər səhiyyə işçilərini, həkimləri rüşvətdən çəkindirəcəkmi?

 

Bu barədə Modern.az-a danışan Azərbaycan Tibb Universitetini professoru, həkim Adil Qeybulla cəmiyyətdə həkimlərə qarşı qeyri-adekvat münasibətlərin olduğunu bildirib:

 

“Mətbuatda “həkim terroru” ifadəsi işlədilir. Mən buna yalnız Azərbaycan mətbuatında rast gəlmişəm. Dünyanın hər bir yerində həkim səhvləri olur, amma cəmiyyət tərəfindən bu cür münasibət və müqavimətlə qarşılanmır. Hətta bəzi hallarda insanlarımız pulsuz müalicənin, icbari tibbi sığortanın tətbiq edilməməsinin də məsuliyyətini həkimlərin boynuna atırlar. Cəmiyyət bütün məsələlərin həllini həkimlərdən gözləyir. İcbari tibbi sığorta sosial müdafiənin mühüm elementidir. 1999-cu ildə “İcbari Tibbi Sığorta haqqında” Qanun layihəsi qəbul olunsa da, indiyədək tam şəkildə tətbiq edilmir. Bu işlərə məsul olan qurumlar neçə ildir deyirlər ki, “yanvarın 1-dən bütün respublikada tətbiqinə başlanılacaq”.

 

Hətta bununla bağlı Yevlax, Mingəçevir, Ağdaşda pilot layihə kimi tətbiq edilməyə başladı. Amma görünən odur ki, təcrübə yetmədi. İndi də ölkəni 4 regiona bölərək, icbari tibbi sığortanı tətbiq edəcəklərini bildirirlər. Belə təşkilatçılıqla icbari tibbi sığorta yaratmaq olmaz. İcbari tibbi sığortaya cəlb olunmuş tibb müəssiəsləri, klinikalardakı həkimlərin hər birinin sabiq maaşı olmalıdır. Maaşlara əlavələri kim edəcək, hansı şərtlərlə edəcək? İcbari tibbi sığortada subyetiv məqamlara yol açıldısa, yəni baş həkimin filan əməkdaşdan xoşu gəlir deyə maaşını artıracaqsa, ona əlavə yazacaqsa, bu iş baş tutan deyil. Dövlətin diplom verdiyi hər bir həkim icbari tibbi sığortaya cəlb olunubsa, onun peşəkarlığı təmin edilməlidir. Əgər prosesdə yenə də kimlərəsə seçim imkanları veriləcəksə, öyrəşdiyimiz mühitdən fərqlənməyəcək. Biz Azərbaycansayağı islahatlardan birdəfəlik qurtulmalıyıq. İcbari tibbi sığorta ilə bağlı dünya təcrübəsi ortadadır. Niyə uzaqlara gedirik? İşə beynəlxalq standartlar çərçivəsində baxılmayacaqsa, özbaşına təşəbbüslərlə bu iş alına bilməz”.

 

A.Qeybulla həkimlərin pasiyentə olan münasibətlərinin rüşvətə görə müəyyən edilməsini təsdiqləyib:

 

“Sizinlə razıyam, bu var və sovet dövründən qalmış şeydir. Amma birmənalı şəkildə həkimin əməyinin qarşılığı ödənilməlidir. Vətəndaş ödəyir, yaxud dövlət ödəyir fərqi yoxdur. Bu cür neqativ hallar var və bunu inkar edə bilmərik. Ona görə də sivil münasibətlərin formalaşması üçün icbari tibbi sığorta tətbiq edilməlidir”.

BU KATEQORİYADAN OLAN DİGƏR XƏBƏRLƏR
+ Arxiv
Qazpulu borcu olanlara SMS gələcək 26 Yanvar 2021, 17:09 Milli parklarda piknik etmək olar 26 Yanvar 2021, 17:09 Tbilisidə "Müstəqilliyə aparan yol: Azərbaycan–Gürcüstan" müsabiqəsinə yekun vurulub 26 Yanvar 2021, 17:03 “Azəriqaz”dan sərfiyyatın çox yazılması iddiasına REAKSİYA 26 Yanvar 2021, 16:58 Xəzərdə həvəskar balıq ovuna qadağa yoxdur - Nazirlik  26 Yanvar 2021, 16:55 Ombudsmanın əməkdaşları Xırdalandakı partlayış yerinə getdilər 26 Yanvar 2021, 16:50 Xırdalandakı partlayışın səbəbi - “Azəriqaz”dan AÇIQLAMA 26 Yanvar 2021, 16:47 Şuşada “Xarı bülbül” Muğam Festivalı keçiriləcək 26 Yanvar 2021, 16:44 Fransa XİN-nin Dövlət katibi Bakıdan Yerevana gedəcək 26 Yanvar 2021, 16:40 Ceyhun Bayramovla Çavuşoğlu Türkiyə gəmisinə hücumu müzakirə etdilər 26 Yanvar 2021, 16:36 Azərbaycanda ceyranların sayı ARTDI 26 Yanvar 2021, 16:30 Yoluxma yenə artdı, ölü sayı AZALDI 26 Yanvar 2021, 16:25 Bakıda intihar edən gəncin kimliyi bilindi - YENİLƏNİB 26 Yanvar 2021, 16:23 Çörək və unun satışı vergidən azad olunur 26 Yanvar 2021, 16:20 Sahibkarlara 39 milyon manat maliyyə dəstəyi göstərildi 26 Yanvar 2021, 16:15 Aqrar sektorun inkişafı daim diqqət mərkəzindədir - Deputat 26 Yanvar 2021, 16:12 Tağı Əhmədov xəstəxanaya yerləşdirildi 26 Yanvar 2021, 16:09 Prezidentin vəzifədən azad etdiyi 80 yaşlı nazir atası kimdir? - DOSYE 26 Yanvar 2021, 16:03 Nazir regional idarələrə yeni rəislər təyin etdi 26 Yanvar 2021, 16:00 Prezident Oqtay Şahbazovu işdən azad etdi 26 Yanvar 2021, 15:55 Ramin Quluzadə yeni vəzifəyə TƏYİN OLUNDU 26 Yanvar 2021, 15:50 İtaliya baş nazirsiz qaldı 26 Yanvar 2021, 15:45 Daşaltı döyüşünün iştirakçısı: “Nə qədər ki, Qafqazda erməni var, sakit dayana bilmərik!” - MÜSAHİBƏ 26 Yanvar 2021, 15:39 Ermənilər Xocavənddə faşist liderə heykəl qoydular - FOTO 26 Yanvar 2021, 15:34 Diaspordan Paşinyana ŞƏRT: “İstefa ver, Ermənistana investisiya yatıraq” 26 Yanvar 2021, 15:30 Dağıntılar altında qalan azyaşlının cəsədi tapıldı - VİDEO 26 Yanvar 2021, 15:18 Xəzərdə zəlzələ olub 26 Yanvar 2021, 15:12 İranda daha 79 nəfər koronavirusdan öldü 26 Yanvar 2021, 15:06 “Düşünürəm ki, qısa zamanda vaksinin müsbət təsirini görəcəyik” 26 Yanvar 2021, 15:00 AQTA-dan ictimai iaşə müəssisələrinin sahiblərinə müraciət - FOTO 26 Yanvar 2021, 14:56 Çingiz Qənizadədən polis əməkdaşları haqqında çəkilən videoya REAKSİYA 26 Yanvar 2021, 14:44 UNEC-in alimi dünyanın 2-ci ən böyük iqtisadi onlayn platformasına ekspert seçilib 26 Yanvar 2021, 14:38 Naftalanın icra başçısı vətəndaşlarla növbəti onlayn qəbul keçirib - FOTO   26 Yanvar 2021, 14:33 İlham Əliyev fransalı dövlət katibini qəbul edib 26 Yanvar 2021, 14:28 "Azərbaycanda internet azaddır" - İlham Əliyev 26 Yanvar 2021, 14:22