Fransada koronavirus qurbanlarının sayı artıb.
Modern.az "RİA Novosti"yə istinadən xəbər verir ki, Fransada epidemiya başlayandan bəri koronavirusdan 30 004 nəfər ölüb.
Fransanın Səhiyyə Nazirliyinin məlumatına görə, onlardan 19 528 nəfər xəstəxanalarda dünyasını dəyişib.
Bildirilib ki, sosial-tibbi müəssisələrdə ölüm hadisələri barədə məlumatlar iyulun 15-də açıqlanacaq.
Hazırda xəstəxanalarda 7062 nəfər müalicə olunur.
Son 24 saat ərzində xəstəxanalara 136 nəfər yerləşdirilib. Reanimasiyada olan xəstə sayı 496 nəfərdir.
Epidemiya başlayandan bəri ümumilikdə 105400 nəfər xəstəxanaya yerləşdirilib. Təxminən 78 400 nəfərin sağaldığı qeyd edilib.
