Bu gün Avropa Şurasının baş katibi Tyorborn Yanqland REAL hərəkatının həbsdə olan lideri İlqar Məmmədovun vəkillərinə zəng edib. Bunu Modern.az-a açıqlamasında REAL liderinin vəkili Fuad Ağayev təsdiqləyib. Vəkil bildirib ki, Avropa Şurasının baş katibi Tyorborn Yanqland həbslə bağlı məlumatları soruşub.
“Baş katib İlqar Məmmədovun vəziyyəti ilə maraqlandı və bizdə o məlumatı ona verdik”, – deyə vəkil vurğulayıb.
Qeyd edək ki, REAL lideri İlqar Məmmədov eyni zamanda Avropa Şurasının Bakı Siyasi Araşdırmalar Məktəbinin direktorudur.
Anar Kəlbiyev