Cari ilin əvvəlindən bəri Azərbaycana 1 milyon 300 min nəfərdən çox turist gəlib.
Bunu jurnalistlərə açıqlamasında Azərbaycanın mədəniyyət və turizm naziri Əbülfəs Qarayev deyib.
Nazir bildirib ki, keçən illə müqayisədə bu il turistlərin sayında azalma yoxdur. "Biz hələlik turistlərin sayında heç nə itirməmişik, lakin böyük artım da qeydə alınmayıb. Bu təbiidir, dünya turizm sənayesi böyük böhran içindədir və yalnız indi yavaş-yavaş vəziyyətdən çıxır".
Ə.Qarayev vurğulayıb ki, növbəti illərdə ölkəmizə gələn turistlərin sayında artımın olacağı gözlənilir.
