Xətai-Əhmədli istiqamətində hərəkət edən 147 saylı avtobus marşrutu bir neçə gün işləməyib. Modern.az-a daxil olan məlumata görə, 147 və 2 saylı marşrutların sürücüləri arasında dava-dalaş baş verib, döyülənlərin olduğu bildirilir. Mübahisə eyni yolda daha çox sərnişin götürmək üstündə baş verib.
Nəqliyyat Nazirliyi “Bakı Sərnişin Nəqliyyat” MMC-nin mətbuat katibi Samir Həsənov saytımıza bildirib ki, hazırda 147 saylı marşrutun fəaliyyəti bərpa olunub. S.Həsənov bir neçə avtobusun həmin mrşrutdan kənarlaşdırıldığını deyib: “Bəzi sürücülər qaydaları pozaraq, müəyyən problemlər yaratdıqlarına gprə maşrutdan kənarlaşdırılıb. Ancaq hazırda həmin istiqamətdə 10-dan yuxarı avtobus işləyir”.
S.Həsənov onu da deyib ki, Bakıya iritutumlu avtobusların gətirilməsi bu il də davam etdiriləcək. O, qeyd edib ki, ilin sonunadək kiçik və ortatutumlu avtobuslar xətdən kənarlaşdırılacaq: “2010-cu ildə ortatutumlu avtobuslar tədricən xətdən kənarlaşdırılacaq”.
Mətbuat katibi iritutumlu avtobusların yollarda tıxac yaratmadığını deyərək bu barədə söylənilən fikirlərlə razılaşmayıb.
