ABŞ-ın Azərbaycandakı səfirliyinin dəstəyi ilə martın 5-dən 9-dək Bakıda fotojurnalistika seminarı keçiriləcək.
Seminarda xəbər üçün mövzuların tapılması və araşdırılması, insanları maraqlandıran məlumatların yazılması, emosional və güclü təsir bağışlayan fotoşəkillərin çəkilməsi, mürəkkəb üslubda yüksək estetik zövqün nümayiş etdirilməsinə xüsusi diqqət yetiriləcək.
Seminar iştirakçıları ilə qəzet və jurnal, kitab və qalereyalara layiq işlərin hazırlanması istiqamətində iş aparılacaq.
Fotoqraflar Bakı və onun ətrafına dair mövzu tapmalı, araşdırmalı və seminar ərzində bitmiş və redaktə edilmiş fotoxəbər hazırlamalıdırlar.
Seminarın sonunda üç ən yaxşı fotoxəbər mükafatlara layiq görüləcək.
