HIV-lə mübarizə üzrə orta Asiya və Azərbaycan parlamentlərarası işçi qrupunun 5-ci konfransı bu ilin iyun ayının 1-2 də Bakıda keçirilməsi nəzərdə tutulur. Bu barədə Modern.az-a məlumat verən Milli Məclisin Sosial siyasət komitəsinin sədr müavini Musa Quliyev bildirib ki, konfransda 30-a qədər beynəlxalq təşkilatın nümayəndələri dəvət olunub: “Həmçinin 5 Orta Asiya ölkəsinin parlamentinin hər birindən 2-3 deputatın iştirakı gözlənilir. Konfransda HİV-lə mübarizədə zərərin azaldılmasının proqramının effektivliyi, bu sahədə dünya təcrübəsi öyrəniləcək”.
M.Quliyev onu da bildirib ki, konfransda Azərbaycanda qəbul ediləcək “HİV infeksiyasının qarşısının alınması” haqqında qanun MDB məkanına model qanun kimi tövsiyə ediləcəyi gözlənilir.
Modern.az
