|
|
A.Mehtiyev bildirib ki, Dövlət Statistika Komitəsinin məlumatına görə, ölkəmizdə ana ölümü əmsalı (hər 100 min nəfər diri doğulan hesab ilə) 2000-ci ildə 37,6, 2003-cu ildə 18,5, 2007-ci ildə 35,5 və 2009-cu ildəisə 24,3 olub. 1 yaşadək uşaq ölumu əmsalı (hər 1000 nəfər doğulan hesabı ilə) 2000-ci ildə 16,4, 2002-ci ildə 16,7, 2005-ci ildə 12,7 və 2009-ildə isə 11,4 olub .
A.Mehtiyevin sözlərinə görə, UNİCEF-in son açıqlamasında Azərbaycanda 1 yaşadək körpələr arasında ölüm səviyyəsi (hər 1000 diri doğulmuş uşağa) 2007-ci ildə 34 nəfər təşkil edib. Gürcüstanda bu göstərici 27, Ermənistanda isə 22 olub.
A.Mehtiyev ana və uşaq ölümü hallarına gətirib çıxaran səbəblərə diqqət yönəldib. O, bildirib ki, 2000-ci ildə hamiləliyi başa çatan qadınların 17,6%-də anemiya qeydə alınmışdısa, 2008-ci ildə bu göstərici 20,3 faiz təşkil edib.
Birlik sədri deyib ki, tibbi xidmətlər səviyyəsinin yetərincə olmaması, həkim məsuliyyətsizliyi və savadsızlığı, qadınların vaxtında qadın məsləhətxanalarına müraciət etməməsi, keyfiyyətli tibbi xidmətin yerində və vaxtında göstərilməməsi, doğuşun ev şəraitində keçirilməsi, ekologiya və ətraf muhitin vəziyyəti, insanların məlumatsızlığı və digər amillər ana və uşaq ölümünün artmasına şərait yaradır. Hətta erkən nigahların çoxalması, gender bərabərliyində müşahidə edilən geriləmələr də ana və uşaq ölümünün səviyyəsinə təsir göstərir. Mail Ağaxanov
