Təhsil Nazirliyinin “Ən yaxşı müəllim” müsabiqəsinə sənəd verən 460 müəllimdən 203-ü II və III mərhələdə iştirak edəcək.
Nazirlikdən Modern.az-a verilən məlumata görə, iştirakçılar arasında say etibarı ilə üstünlük ibtidai sinif və ingilis dili müəllimlərinə məxsusdur. Müsabiqənin iştirakçı müəllimləri bu gündən başlayaraq 3 gün ərzində Bakı şəhərinin müəyyən edilmiş məktəblərində sınaq dərsi keçəcəklər. Sınaq dərsləri deyəcək müəllimlər Təhsil Nazirliyinin əmri ilə təsdiq olunmuş ekspert qrupları tərəfindən dinlənilərək, müəyyən edilmiş meyarlar üzrə qiymətləndiriləcək.
Modern.az
