Sentyabrın 30-da saat 12-də bu il ali təhsil müəssisələrinə qəbul imtahanlarında ən yüksək nəticə göstərib Prezident təqaüdünə layiq görülmüş gənclərlə Tələbə Qəbulu üzrə Dövlət Komissiyasının (TQDK) rəhbərliyi və kollektivinin görüşü keçiriləcək. Bu barədə Modern.az-a TQDK-nın mətbuat xidmətindən məlumat verilib.
Qeyd edək ki, sentyabrın 8-da Prezident İlham Əliyev 2010/2011-ci tədris ilində Azərbaycan Respublikasının ali məktəblərinə daxil olmuş tələbələrə prezident təqaüdünün verilməsi haqqında sərəncam imzalayıb.
Sərəncama əsasən, bu il 600-dən yuxarı bal toplayan 103 tələbəyə prezident təqaüdü ayrılıb.
Prezident təqaüdünün məbləği 150 manat müəyən edilib.
Modern.az
