"Bank of Baku" ASC-də Məlumatların idarəedilməsi üzrə rəhbər vəzifəsinə təyinat olub.
Modern.az Plat.az-a istinadən xəbər verir ki, bu vəzifə Bəxtiyar Xanbutayevə həvalə olunub.
Qeyd edək ki, B.Xanbutayev 2014-2018-ci illərdə Mərkəzi Bankda, 2012-2014-cü illərdə isə, "Bank of Baku"da proqramçı vəzifəsində çalışıb. Marqarita pizza
Xatırladaq ki, "Bank of Baku" 1994-cü ildən fəaliyyət göstərir. Onun nizamnamə kapitalı 52,87 milyon manatdır. Bankın səhmlərinin 35 %-i Türkiyənin "NAB Holding"inə, 31,1 %-i Hikmət Abuzər oğlu İsmayılova ("Azsığorta" ASC-nin 100 %-lik, "AFB Bank" ASC-nin isə 99,6 %-lik səhmdarı), 28,9 %-i "Azpetrol Neft Şirkəti" MMC-yə, 5 %-i isə Elçin Həmid oğlu İsayevə (Müşahidə Şurasının sədri) məxsusdur.
