Cəzaçəkmə müəssisəsinə qohumu yanına gedən 12,63 qram “marixuana” ilə yaxalanıb. Bu barədə Modern.az-a Ədliyyə Nazirliyinin Pentensiar Xidmətinin mətbuat xidmətindən məlumat verilib. Pentensiar xidmətdən bildirilib ki, 2 saylı cəzaçəkmə müəssisəsinin əməliyyat aparatları tərəfindən müəssisəyə qadağan olunan əşyaların keçirilməsi cəhdinin qarşısı alınıb.
Iyunun 26-da həyata keçirilən əməliyyat-axtarış tədbirləri nəticəsində 2 saylı cəzaçəkmə müəssisəsində cəza çəkən 1990-cı il təvəllüdlü, Azərbaycan Respublikası Cinayət Məcəlləsinin 181.2.5 maddəsi ilə təqsirli bilinərək 8 il müddətinə azaqdlıqdan məhrum edilən məhkum Quliyev Amil Rahil oğluna qohumu vətəndaş Şəbiyev Seymur İlqar oğlunun gətirdiyi sovqata baxış keçirilən zaman 3 ədəd çörəyin içərisində gizlədilən , hər birində 2 kibrit qutusu olmaqla, cəmi 6 ədəd kibrit qutusu içərisində ümumi xalis çəkisi 12,63 qram narkotik vasitə olan “marixuana” aşkar edilərək götürülüb.
Fakt üzrə araşdırma aparılır.
Modern.az
