Bu il aprelin 29-da şeir festivalında iştirak etmək üçün İrana gedən və mayın 2-də Təbrizdə həbs olunan iki azərbaycanlı şair artıq Bakıya dönüb.
4 aydır həbsdə saxlanılan Şəhriyar Hacızadə və Fərid Hüseyn azad olunduqdan sonra sentyabrın 5-də Bakıya gəlib çıxıblar. Jurnalistlərə yorğun olduqlarını deyən şairlər yaxın 2-3 gün ərzində mətbuat konfransı keçirəcəklərini bildiriblər.
Haqq-ədalətin öz yerini tapdığını deyən Şəhriyar Hacızadə və Fərid Hüseyn qeyd ediblər ki, İran həbsxanasında onlara heç bir təzyiq olmayıb.
Modern.az
