Babək prospekti ilə N.Abdullayev küçəsinin kəsişməsində salınan piyada keçidində son tamamlanma işləri aparılır.
Modern.az “Azəryol” ASC-nin rəsmi saytına istinadən bildirir ki, Nəqliyyat Nazirliyi “Azəryolservis” ASC sifarişi ilə inşa olunan piyada keçidinin uzunluğu 57 m, eni 8 m, hündürlüyü 3,20 m-dir. Piyadaların hərəkəti üçün nəzərdə tutulan pilləkənlərdə əlil arabaları üçün ayrıca yol var. İki tərəfə giriş-çıxışı olan piyada keçidi demək olar ki, istismara hazırdır. Hazırda piyada keçidinin ətrafında abadlıq işləri həyata keçirilir. Paytaxt sakinləri yaxın günlərdə piyada keçidindən istifadə edə biləcəklər.
Modern.az
