Modern.az saytı xəbər verir ki, ABŞ prezidenti Barak Obama Nüvə Təhlükəsizliyi Sammitində iştirak etmək üçün gəldiyi Haaqa şəhərində Niderland Krallığının Baş naziri Mark Rütte ilə görüşüb.
Obama görüşdən sonra mətbuata verdiyi açıqlamada, "Avropa və Amerika olaraq Ukrayna hökumətini və xalqını dəstəkləmək barəsində həmfikirik. Bu vaxta qədərki addımlarına görə Rusiyaya bir əvəz ödətməkdə birləşdik" deyib.
Niderland Krallığının Baş naziri Mark Rütte Rusiyanın Krımı ilhaq etməsini beynəlxalq hüququn aşkar pozuntusu bolduğunu və bunu şiddətlə qınadıqlarını söylədi.
Modern.az
