Bu gün Müdafiə naziri, general-polkovnik Zakir Həsənov İran İslam Respublikasının Azərbaycandakı səfiri Möhsün Pakayini qəbul edib.
Modern.az Müdafiə Nazirliyinin rəsmi saytına istinadən xəbər verir ki, görüşdə müdafiə naziri, general-polkovnik Zakir Həsənovun İrana rəsmi səfərinin nəticələri müzakirə edilib, bölgədəki hərbi-siyasi vəziyyət, Ermənistan-Azərbaycan münaqişəsi və ikitərəfli əməkdaşlıq məsələləri barədə fikir mübadiləsi aparılıb.
Görüşdə İran İslam Respublikasının Silahlı Qüvvələrinin Azərbaycan Respublikasındakı Hərbi Attaşesi polkovnik Əmir Fərəci Moez iştirak edib.
Modern.az