Venesuela prezidenti Nikolasa Maduronun şəxsi mühafizəçisi öz avtomobilini idarə edərkən naməlum şəxslər tərəfindən güllələnib. Modern.az xarici mətbuata istinadən xəbər verir ki, 29 yaşlı leytenant Maduronun təhlükəsizliyini təmin edən dəstənin üzvüdür. O öz avtomobilində hərəkət edərkən digər avtomobildən atəş açılıb. Xəsarət alan mühafizəçi xəstəxanaya çatdırılsa da, həyatını xilas etmək mümkün olmayıb. Məlumatda qeyd edilir ki, mühafizəçinin avtomobildə olan arvadı xəsarət almayıb.
