“Yeni Müsavat”ın reportyoru Fərahim İlqaroğlunun döyülməsini təşkil etmiş sifarişçi hələ də tapılmayıb. Modern.az-a verdiyi məlumata görə, bu gün zərəçəkən Fərahim İlqaroğlu özünə vəkil tutacaq. Reportyor bildirib ki, Daxili İşlər Nazirliyində aparılan istintaqın gedişində heç bir yenilik yoxdur.
Xatırladaq ki, aprelin 25-də “Yeni Müsavat”ın əməkdaşı yaşadığı binanın qarşısında döyülüb. Ona qarşı zorakılıq işlədən Feyruz Termişi adlı şəxs həbs edilsə də, təlimatı verən şəxs – Kik-Boksinq Federasiyasında çalışan Tural Bayramov hələ də tutulmayıb. T. Bayramov nəqliyyat naziri “Ziya Məmmədovun adamı” kimi də tanınır.
Gültəkin Ələsgər
