Mayın 14-də Kür su kəmərləri sisteminin 1400 mm diametrli magistral xətlərindən birinin Bakı şəhəri Qaradağ rayonu ərazisindən keçən hissəsində yenidənqurma işlərinin aparılması ilə əlaqədar suyun verilməsində məhdudiyyətlər olacaq.
“Azərsu” ASC-nin İctimiayyətlə əlaqələr şöbəsindən Modern.az-a verilən məlumata görə, saat 00:00-dan Bakının Qaradağ rayonuna, Səbail rayonunun 20-ci sahə və Badamdar qəsəbələrinə, Binəqədi rayonunun Yeni Biləcəri yaşayış massivinə içməli su 36 saat müddətində məhdudiyyətlə veriləcək.
Yaranacaq narahatlıqla əlaqədar “Azərsu” ASC abonentlərdən üzr istəyir.
Modern.az