Suraxanı internat məktəbində 7 yaşlı uşağın döyilməsi ilə bağlı məlumatı araşdırmaq üçün Təhsil nazirliyinin rəsmi nümayəndələri adı çəkilən məktəbə ezam olunublar. Bunu Modern.az-a açıqlamasında Təhsil Nazirliyinin mətbuat xidmətinin rəhbəri Cəsarət Vəliyev bildirib.
“Hazırda məsələ araşdırılır. Hadisə ilə bağlı təhsil nazirliyinin nüamyəndələri artıq Suraxanı rayonu 7 saylı internat məktəbə ezam olunublar”-deyə o vurğulayıb.
Qeyd edək ki, bugün mətbuatda Suraxanı rayonu ərazisində yerləşən 7 sayı internat məktəbdə Mahir adlı uşağın Gülya adlı müəllim tərəfindən amansızcasına döyüldüyü və bunun sübutu olaraq uşağın fotosu yayılıb.
Gülşən RAUFQIZI
