“Ötən gecə Ermənistan silahlı qüvvələrinin atəşkəsi pozması nəticəsində yaralanan Qazax rayonunun Məzəm kənd sakini, 44 yaşlı Çingiz Aslanov bu gün əməliyyat olunacaq”.
Bunu Modern.az-a açıqlamasında Qazax Rayon Müalicə Diaqnostika Mərkəzinin rəhbəri Kamandar İbrahimov deyib. Onun sözlərinə görə, kənd sakini dünən yaralanmasına baxmayaraq, xəstəxanaya bu gün gətirilib:
“Hazırda yaralının vəziyyəti yaxşıdır. Güllə yarası sağ bud nahiyəsindədir. Çalışacağıq ki, əməliyyat edib gülləni çıxaraq. Sabah, ya da o biri gündə evə buraxaq”.
Rüfanə GÜNƏŞ
