Ukraynanın xarici işlər naziri Konstantin Qrişenko gələn həftə Azərbaycana səfər edəcək.
Modern.az Ukrayna mətbuatına istinadən xəbər verir ki, səfər iyulun 17-18-də nəzərdə tutulub. Ukrayna XİN İnformasiya Departamentinin rəisi Oleq Voloşinin sözlərinə görə, Qrişenkonun Bakıya səfəri gedişində Ukrayna və Azərbaycan dövlətlərarası münasibətlərin geniş spektrinə dair müzakirələr keçiriləcək.
Voloşin qeyd edib ki, Bakı danışıqlarında Qafqazda təhlükəsizlik və energetika məsələləri diqqət mərkəzində olacaq.
