Ukrayna müdafiə naziri Aleksey Reznikov amerikalı həmkarı Lloyd Ostin ilə görüşüb.
Modern.az xəbər verir ki, bu barədə Reznikov özünün "Twitter" hesabında məlumat yayıb.
O qeyd edib ki, hər iki dövlət Ukraynanın qələbəsini və Avropada sülhün bərpasını təmin etmək üçün fəaliyyətini davam etdirir.
Reznikov amerikalı həmkarı və böyük dostu ilə görüşməkdən şad olduğunu bildirib.
"Ukrayna-ABŞ tərəfdaşlığı güclüdür. Biz Ukraynanın qələbəsini təmin etmək və Avropada sülhü bərpa etmək üçün çalışmaqda davam edəcəyik", - nazir vurğulayıb.
