6 ayda ölkədə 335,3 milyon manatlıq avtomobil satılıb
Azərbaycanda istismarda olan avtomobillər arasında sayına görə Rusiya istehsalı olan VAZ markalı avtomobillər üstünlük təşkil edir. Bunu Modern.az-ın sorğusuna cavab olaraq Dövlət Statistika Komitəsindən bildiriblər.
Komitədən verilən məlumata görə, 2014-cü il yanvarın 1-dək ölkədə 367452 ədəd VAZ markalı avtomobil olub.
2014-cü ilin 6 ayında isə ölkənin daxili bazarında 335,3 milyon manatlıq avtomobil satılıb.
Məlumatda qeyd edilir ki, pərakəndə ticarətdə avtomobillərin növlər üzrə uçotu aparılmadığından ən baha avtomobilin qiymətini demək mümkün deyil.
2014-cü ilin yanvar-iyul aylarında respublika üzrə minik avtomobillərinin istehlak qiymətləri indeksi barədə məlumatlar belə olub:
| Aylar | Minik avtomobillərinin istehlak qiymətləri indeksi (əvvəlki aya nisbətən, faizlə) |
| Yanvar | 100,0 |
| Fevral | 100,0 |
| Mart | 98,9 |
| Aprel | 100,6 |
| May | 100,0 |
| İyun | 100,5 |
| İyul | 100,1 |
Gülşən RAUFQIZI
