Ադրբեջանի և Հայաստանի միջև հարաբերությունների կայուն կարգավորումը կարող է ամրապնդել կայունությունը Հարավային Կովկասում և հնարավորություն տալ նոր առևտրային երթուղիների ստեղծմանը:
Modern.az-ը հայտնում է, որ այս մասին ասվում է «Moody's» միջազգային վարկանիշային գործակալության զեկույցում։
Գործակալության գնահատմամբ՝ Բաքվի և Երևանի միջև երկարաժամկետ համաձայնության ձեռքբերումը կամրապնդի տարածաշրջանային կայունությունը, կբարելավի տրանսպորտային կապերը և նոր հնարավորություններ կստեղծի Կովկասում առևտրային և տարանցիկ կապերի զարգացման համար։
«Moody's»-ը նաև Գնահատում է Միջին միջանցքը որպես տնտեսական աճի լրացուցիչ աղբյուր տարածաշրջանի երկրների համար։ Երթուղով բեռնափոխադրումների աճն արդեն նպաստում է Ադրբեջանի, Ղազախստանի և Վրաստանի զարգացմանը, միաժամանակ տնտեսական օգուտներ է ստեղծում նաև Ուզբեկստանի և Ղրղզստանի համար։
Գործակալության վերլուծաբանները կարծում են, որ տրանսպորտի, լոգիստիկայի, էներգետիկայի և թվային ենթակառուցվածքների մեջ ներդրումները կօգնեն Հարավային Կովկասի և Կենտրոնական Ասիայի երկրներին դիվերսիֆիկացնել իրենց տնտեսությունները։
