Իրանում «Ջանֆադա» արշավի շրջանակներում հաջորդ շաբթվանից կսկսվի 1000 ռազմական գումարտակների ձևավորումը։
Modern.az-ը հայտնում է, որ այս մասին հայտարարել է արշավի Ժողովրդական շտաբի ներկայացուցիչ Սասան Զարեն։
Նրա խոսքով, նախաձեռնության շրջանակներում գրանցված 31 միլիոն մարդու 26 տոկոսը պատրաստ է զբաղվել ռազմական գործունեությամբ և անվտանգության հարցերով։ Զարեն նշել է, որ կամավորները անցնում են ուսումնական դասընթացներ, որոնք ներառում են ընդհանուր զինվորական պատրաստություն, անվտանգության ապահովում, դիտարկում, վերահսկողություն և հետախուզական միջոցառումներ։
Գրանցված մասնակիցների 32 տոկոսը կանայք են, իսկ 68 տոկոսը՝ տղամարդիկ։
