Իսրայելի վարչապետ Բենյամին Նեթանյահուն հայտարարել է Իրանի իշխանությունը տապալելու, ՀԱՄԱՍ-ը ոչնչացնելու և «Հեզբոլլահի» դեմ գործողությունները շարունակելու իրենց մտադրության մասին։
Modern.az-ը, հղում անելով տեղական լրատվամիջոցներին, հայտնում է, որ Նեթանյահուն այս մասին խոսել է Իսրայելի ներքին անվտանգության ծառայության՝ «Շին Բեթի» աշխատակիցների պարգևատրման արարողության ժամանակ։
Նա նշել է, որ Իսրայելը կոչնչացնի ՀԱՄԱՍ-ը, և հիմնական նպատակներից մեկը կլինի Իրանի իշխանության տապալումը։
«Մենք կոչնչացնենք ՀԱՄԱՍ-ը և առաջին հերթին կհաղթենք Իրանի ռեժիմին։ Մենք կտապալենք այն։ Այն կփլուզվի», - ասել է Նեթանյահուն։
Իսրայելի կառավարության ղեկավարը նաև հայտարարել է, որ կշարունակվի 2023 թվականի հոկտեմբերի 7-ին ՀԱՄԱՍ-ի ղեկավարությամբ իրականացված հարձակմանը մասնակցած անձանց հետապնդումը։
Նա նաև ընդգծել է, որ «Հեզբոլլահի» դեմ պայքարը կշարունակվի։
