Թուրքական T24 կայքի քաղաքական մեկնաբան Բարչին Ինանջն անդրադարձել է Հայաստանի հետ սահմանների բացման հարցին։
Modern.az-ը հայտնում է, որ Բարչին Ինանջի խոսքով, Թուրքիայի և Ադրբեջանի միջև ներկայիս լարվածության ֆոնին Անկարան չի որոշի բացել Հայաստանի հետ սահմանը։
Նրա խոսքով, սահմանների բացման ուղղությամբ ցանկացած քայլ էլ ավելի կմեծացնի հարաբերությունների լարվածությունը, կստիպի Ադրբեջանին խստացնել իր դիրքորոշումը Հայաստանի նկատմամբ և կհետաձգի տարածաշրջանի համար կարևոր նախագծերի իրականացումը։
Այդ իսկ պատճառով Թուրքիան Հայաստանի հետ սահմանները բացելիս հաշվի կառնի Ադրբեջանի դիրքորոշումը։
