Yanvarın 24-də Moskvada Azərbaycan, Ermənistan və Rusiya xarici işlər nazirlərinin görüşü planlaşdırılıb. Bu barədə «Novosti-Armeniya» xəbər yayıb. Erməni mətbuatı xəbəri yayarkən Ermənistanın xarici siyasət idarəsinin rəhbərinə istinad edib.
Xəbərdə bildirlib ki, yanvarın 24-də Moskvada keçiriləcək görüşün təşəbbüskarı Rusiya xarici işlər naziri Sergey Lavrovdur.
Xarici işlər nazirləri sonuncu dəfə ötən ilin noyabrında Moskvada görüşərək Dağlıq Qarabağ münaqişəsinin nizamlanması məsələsini müzakirə etmişdilər.
