Milli Məclisin Sosial siyasət komitəsinin sədri Hadı Rəcəbli bu günlərdə bələdiyyə seçkiləri ilə bağlı gənc seçicilərlə görüşüb. Respublikada və rayonda bələdiyyə seçkilərinə hazırlıq işlərindən danışan millət vəkili əminliklə bildirib ki, lənkəranlılar həmişəki kimi bu seçkilərdə də yüksək fəallıqlarını göstərməklə layiqli insanlara səs verəcəklər. Söhbət zamanı qeyd edilib ki, bələdiyyələr müstəqil qurumdur, artıq dördüncü dəfədir ölkəmizdə yerli özünüidarəetmə orqanlarına seçkilər keçirilir .Vurğulanıb ki, bələdiyyələr idarəetmənin xüsusi forması olmaqla bu seçkilərdə cəmiyyətin bütün qurupları iştirak edir. Bələdiyyə üzvlüyünə namizədlər arasında qadınların iştirakı xüsusi qeyd olunub. Bu gün rayonda bələdiyyə üzvlüyünə namizədliyini vermiş gənclərdən 30%-dən çoxunu qadınlar, 40%-ə qədərini gənclər təşkil edir.
Bir necə gün öncə respulikada müxalifət partiyalarının nümayəndələri ilə keçirilən görüşdə danışılmış məsələlər geniş müzakirə olunub. Rayonun sosial iqtisadi problemləri ilə bağlı aparılan tikinti-quruculuq işlərinin miqyası xüsusi vurğulanıb və müsbət dəyişikliklər qeyd edilib. Çıxış edənlər bələdiyyələrin artan rolunu xüsusi qeyd ediblər. Təssüf hissi ilə bildiriblər hələdə bəzi insanlar cəmiyyətdəki çatışmazlıqları şişirtməyə çalışırlar, ağa qara deyir, aparılan abadlıq-quruculuq işlərinə, eyni zamanda sosial-iqtisadi sahədə olan hərtərəfli və qlobal inkişafa kölgə salmaq istəyirlər.
Görüşdə kənd yollarının təmiri, qaz xətlərinin çəkilişi işlərinin sürətləndirilməsinə diqqətin artırılması arzusu səsləndirilib. Sonda da gənclər dövlətçiliyin möhkəmləndirilməsi və sabitliyin qorunması naminə apardığı mübarizədə dövlət başçısı İlham Əliyevlə həmrəy olduqlarını bildirərək respublikanın daxili və xarici siyasətində tutduğu xətti ürəkdən bəyəndiklərini bildiriblər.
Modern.az
