Bu gün Füzuli rayonda ekologiyanın və ətraf muhitin qorunması və bərpası mövzusunda geniş müşavirə keçirilib. Müşavirədə rayon İcra Hakimiyyətinin başçısı Alı Alıyev, idarə, müəssissə və təşkilatlar, hüquq mühafizə orqanlarının rəhbərləri və ictimaiyyət nümayəndələri iştirak ediblər.
Müşavirədə ekoloji tarazlığın qorunması, bərpası, ətraf mühitin mühafizəsi, bu istiqamətdə görülmüş işlər və qarşıda duran vəzifələr barədə söhbətlər, müzakirələr aparılıb. Məlumat verilib ki, iki ildən artıq müddətdə rayon ərazisində 95000 – dən ağac və kol, 60000 müxtəlif növdən olan dekorativ güllər əkilib. Əkilmiş ağaclardan 35000 ədədi çinar, 12000 ədədi liandra, 4000 ədədi kanisparis, 3000 ədədi fittoniya, 2000 ədədi fattinya, 2000 ədədi amerikanka, 15000 ədədi ebomus, 12000 ədədi sərv, 10000 ədədi eldar şamıdır.
