Ozarbayjon va Armaniston vakillarining “Tinchlik ko‘prigi” tashabbusi doirasidagi navbatdagi rejalashtirilgan uchrashuvi biroz avval qoldirilgan edi. Navbatdagi uchrashuv qachon va qayerda bo‘lib o‘tishi qiziqish uyg‘otmoqda.
Modern.az’ga bergan bayonotida “Tinchlik ko‘prigi” tashabbusi koordinatori Farhod Mammadov navbatdagi uchrashuvning vaqti va kun tartibi bo‘yicha hozircha aniqlik yo‘qligini bildirdi.
Uning ta’kidlashicha, “Tinchlik ko‘prigi” doirasida uchrashuvlar o‘tkazilishi kerak edi. Biroq Armanistonda Qorabog‘ diplomatlarining tashrifi bilan bog‘liq bayonotlar vaziyatni shunday darajaga olib keldiki, biz navbatdagi tashrifni qoldirishga qaror qildik.
“Bu jarayonning to‘xtashi degani emas. Navbat yana Ozarbayjon delegatsiyasining Armanistonga borishidir. Biroq tashrif sanasi va kun tartibi bo‘yicha hozircha aniqlik yo‘q. Bu yil oxiri yoki kelasi yil boshida bunday tashrifning amalga oshishini istisno etib bo‘lmaydi”, - dedi F. Mammadov.
