Ruminiya Harbiy-havo kuchlariga tegishli ikkita F-16 qiruvchi samolyoti mamlakat havo hududiga ruxsatsiz kirib kelgan ikkita uchuvchisiz uchoqni Qora dengiz ustida urib tushirdi.
Modern.az xabar berishicha, bu haqda Ruminiya Tashqi ishlar vazirligi ma'lumot tarqatgan.
Birinchi dron soat 17:59 da aniqlangan va ikki daqiqadan so'ng Sulinaning janubi-sharqida, 25 kilometr masofada urib tushirilgan. Ikkinchi uchuvchisiz uchoq esa shu hududda soat 18:05 da qo'lga olingan. U Ruminiya havo hududiga kirganidan to'rt daqiqa o'tib, Sulinaning 20 kilometr sharqida urib tushirilgan.
Buxarest NATO ittifoqchilari va Yevropa Ittifoqidagi hamkorlarini voqea haqida xabardor qilgan.
Ruminiya tashabbusi bilan seshanba kuni NATO Shimoliy Atlantika Kengashining yig'ilishi bo'lib o'tadi. Yig'ilishda Qora dengiz mintaqasida mudofaa va tahdidlarning oldini olish masalalari muhokama qilinadi.
