Eron Islom inqilobi posbonlari korpusi (SEPAH) AQShning Bahrayndagi Ar-Rifa va Avali shaharlaridagi bazalari raketa va dronlar bilan nishonga olinganini ma'lum qildi.
Modern.az xabar berishicha, SEPAHning tegishli bayonotini "Tasnim" agentligi tarqatgan.
Bayonotda qayd etilishicha, AQSh dronlari Eron havo hududini buzganidan so'ng, ushbu mamlakatning yuqorida tilga olingan bazalardagi "Patriot" havo hujumidan mudofaa tizimlariga tegishli ikkita radari SEPAH Aerokosmik kuchlarining hujumiga uchragan.
"Islom inqilobi posbonlari korpusi ogohlantiradiki, Eron Islom Respublikasining havo hududi mamlakat qurolli kuchlarining qizil chizig'idir va Eron havo hududining har qanday tajovuzkor mamlakat va kuch tomonidan buzilishiga Islom jangchilari qattiq va qat'iy javob beradilar", - deyiladi SEPAH bayonotida.